The Definitive Guide to Living in the Capital , Cairo , Egypt

كتير من سكان القاهرة بيستخدموا أتوبيسات النقل العام في تحركاتهم في العاصمة، ويمكن يكون الأمر ده مش صحي في الوقت الحالي، بسبب احتمالية الإصابة بفيروس كورونا المستجد، لكن هيئة النقل العام قررت تاخد قرارات مهمة ومطمئنة لحماية سكان القاهرة وزوراها، تعالوا نعرفها مع بعض.

حاليًا بتكثف هيئة النقل العام، ومحافظة القاهرة من حملاتها الصحية لتعقيم مواقف الأتوبيسات والأتوبيسات نفسها في كل أنحاء المحافظة، وده عن طريق الرش بمطهرات قوية على مدار اليوم، والمهم إن ده هيستمر يوميًا لكل الأتوبيسات والمواقف، والهدف منه هو حماية المواطنين اللي بيستخدموا الأتوبيسات من الإصابة بفيروس كورونا المستجد.

كمان الهيئة أكدت على السواقين بضرورة الحفاظ على نظافة الأتوبيسات طول الرحلات علشان يتجنبوا انتشار فيروس كورونا.