The Definitive Guide to Living in the Capital , Cairo , Egypt

الحياة في كايرو

لو بتحب الأماكن المفتوحة.. أحلى 8 أماكن لخروجة مميزة في العيد

City Square Concord Plaza The District The Family Park The Waterway Tivoli Dome أماكن مفتوحة العيد القاهرة جزيرة المعادي حديقة الأسرة
لو بتحب الأماكن المفتوحة.. أحلى 8 أماكن لخروجة مميزة في العيد
بواسطة
Fatema Abd El Kawey

عيد سعيد! وفي العيد الخروج يحلى، وفرصة تستمتع بالطبيعة، وفي المقال ده هنقترح عليك أماكن تتفسح فيها لكن بعد ما تحدد أنت من أنهي نمط في الاستمتاع بالعيد؟

من النمط الأول اللي بالنسبة له العيد يعني طبيعة وجنينة وشمس دافية؟ ولا من النمط التاني اللي بيحب يقعد في حته شيك ياكل ويشرب ويستكنيص، بشرط تكون مفتوحة ومنها للسما والهوا؟

في الغالب هم دول النمطين الموجودين في القاهرة، بس بيتفقوا في حاجة واحدة في العيد؛ ألا وهي أنهم عايزين مكان مفتوح يشموا هوا فيه.

حددت أنت مين؟ حلو أوي، أصحاب النمط الأول يضموا هنقول لهم يروحوا فين بعد كده نتكلم مع أصحاب النمط التاني.

عشاق الطبيعة والحدائق بدأ عددهم يقل نسبيًا بسبب المشكلات المعروفة في الجناين من النضافة المنعدمة، للزحمة والفوضى والكلام اللي مالوش لازمة دة، يمكن المشكلات دي بدأت تكون محلولة في كذا مكان تقدر تقعد فيه مبسوط ومرتاح.

زي إيه؟

حديقة الأسرة  The Family Park

الكيلو 26 طريق السويس بجانب بوابة الرحاب رقم 2.

تذكرة الدخول في الأيام العادية بـ 30 جنيه وفي المناسبات بـ 50 جنيه.

الجنينة دي مكان مناسب جدًا للاستمتاع بالخُضرة والنافورة وللعب الجامد جدا في المراجيح، اللعب اللي هناك للكبار والصغار بس طبعًا الصغار أكتر.

حديقة الأسرة
حديقة الأسرة

جزيرة المعادي

أمام مستشفى القوات المسلحة بالمعادي- كورنيش النيل.

وهي عبارة عن جزيرة خضراء نسبيًا في وسط النيل، تقدر تقعد هناك تستمع بالنيل ولون الزرع الأخضر وتقدر تاكل وكمان تلعب مع عيلتك من صغار وكبار في المراجيح. تذكرة الدخول في الأيام العادية بـ 10 جنيه وفي المناسبات بـ 30 جنيه.

نيجي بقى لأصحاب النمط التاني اللي عايزين قعدة حلوة في مكان حلو بخدمة حلوة. هنجمع لكم هنا شوية مجمعات المطاعم اللي معظم القعدات فيها out door اللي بتحقق مطلباتكم من الفسحة الحلوة في مكان مفتوح وفيه خدمة والاختيار في الأخر لكم.

The District

طريق النصر-مساكن شيراتون بجوار نادي وادي دجلة- القاهرة.

وهو عبارة عن مجمع مطاعم واسع وكبير بيضم 26 مطعم على اليمين والشمال بينهم مساحة من المياه بيوصل بينهم كباري مشاة على المياه، وبعض المطاعم عندهم أماكن للعب الأطفال.

Arkan plaza

الشيخ زايد- قطعة 31 شارع البستان بالقرب من ميدان درة-الجيزة.

وهناك هتلاقي مجموعة واسعة من المطاعم المختلفة يصلوا إلى 23 مطعم تتشقلب بينهم براحتك. وبالنسبة للأطفال فهم عندهم “kiddle” وده زي مركز لعب للأطفال من سن 2 -12 سنة.

Arkan plaza
Arkan plaza

Tivoli Dome

تيفولي بسبب موقعه وسط مكان حيوي أوي بيخليه زحمة معظم الوقت وكمان قعدته مناسبة ولذيذة فده بيتطلب منك إنك لو هتروح تحاول تكلمهم كده وتشوف في مكان ولا لأ.

70شارع عمر بن الخطاب-ألماظة-هيليوبلس القاهرة.

وفي فرع تاني لهم في المجاورة الثالثة-الحي الثاني-الشيخ زايد-الجيزة.

City Square

بوابة الرحاب رقم 6 -القاهرة

المجمع ده مع كونه مش كبير قوي إلا أنه من أشيك المجمعات اللي اتعملت وأريحها في القاعدة وكمان الجو هناك في أي وقت حلو بسبب إن موقعه بعيد عن زحمة العاصمة.

Concord Plaza

وده من أكتر الأماكن حيوية في التجمع بسبب التنوع اللي في مطاعمه اللي بتراعي كمان التفاوت في العيدية اللي الناس بتاخدها، هتلاقي اللي هيناسب فلوسك من الآخر.

شارع التسعين الشمالي-التجمع الخامس بالقرب من الجامعة الأمريكية.

Concord Plaza
Concord Plaza

The Waterway

إحنا لو هنرجح لك المكان ده فهيكون أوضح سبب أن الركنة هناك متاحة جدًا، بالإضافة لأن عندهم الكبير في كل حاجة؛ يعني لو بتحب السوشي فـ Mori sushi هناك، لو بتحب البرجر فـ mince burger هناك وهكذا.

22a – المستثمرين الشمالية -القاهرة الجديدة.

نهايةً نحب نقول لكم ما تفوتوش لحظة في العيد بجميع أيامه مش مبسوطين أو فرحانين فيها وكل سنة وأنتم طيبين وبعودة.

مقترح