The Definitive Guide to Living in the Capital , Cairo , Egypt

ساعات كتيير بتحس أنك مخنوق ومتضايق ومش قادر تكمل حياتك، فيه ناس بتستسلم للشعور ده وبتدور على أي حاجة تريحها، وممكن في الوقت ده تبدأ رحلة الإدمان، وفيه ناس تانية بتستسلم للحزن الشديد ويتحول معاهم الموضوع لحالة اكتئاب، طيب هل تعرف إن فيه أرقام مجانية معمولة علشان تساعدك سواء كنت مدمن أو بتمر بمشاكل نفسية؟

فيه أكتر من مشكلة إنك تروح لطبيب نفسي أو معالج نفسي في القاهرة، زي السعر المبالغ فيه اللي بيكون مطلوب منك تدفعه، أو إن الشخص اللي هتروح له مايكونش مؤهل بالقدر الكافي. علشان كده كان مهم نكلمكم عن خدمة مجانية مهمة، يعني حتى مش هتتكلف ثمن مكالمة التليفون، لإن الرقم اللي هتطلبه مجاني.

وزارة الصحة والسكان أعلنت أنها خصصت خطين تليفون لو حد حب يستفسر عن خدمات الصحة النفسية أو لو كان محتاج مساعدة ودعم نفسي من شخص مؤهل، كمان في الرقمين دول فيه متخصصين في علاج الإدمان وهم 08008880700 أو 0220816831.

لما تكون حاسس بضيق واحتياج لدعم نفسي أوعى تتردد تروح لحد يساعدك.