The Definitive Guide to Living in the Capital , Cairo , Egypt

ومين في مصر ماجربش إنه يدخل جمعية علشان يشتري حاجة معينة! الجمعية فكرة مصرية عظيمة، بتعتمد على إن كل شخص بيدفع مبلغ شهري محدد وبيتم توزيع إجمالي المبلغ ده على كل فرد من المشتركين بحسب دوره في الجمعية، لكن في 2022، ومع التقدم التكنولوجي الكبير في عالمنا، أصبحت تجربة الجمعية مختلفة جدًا، دلؤتي تقدر تدخل جمعية من غير ما تعرف مين مشترك معاك فيها، وتدفع قسطك كل شهر عن طريق بطاقتك الائتمانية أو فوري أو حتى كاش، والقبض هيوصلك على حسابك البنكي أو تستلمه كاش.

في الموضوع ده هنعرفكم على تطبيق MoneyFellows اللي خد فكرة الجمعية التقليدية لمنطقة تانية خالص.

 

MoneyFellows هو تطبيق إلكتروني بيتيح لك الاشتراك في جمعية ودفع الأقساط الشهرية وهتقبضها في الميعاد المتفق عليه، والتطبيق ده آمن جدًا وموثوق وفيه آلاف المصريين بيتعاملوا معاه.

بعد ما بتحمل التطبيق وبتختار ترتيبك في الجمعية العملية هتبدأ! والجميل إن الجمعيات متوفرة دايمًا طول الوقت بدوسة زرار من على موبايلك، والتطبيق بيقدم جمعيات بقبض بيوصل لـ 100 ألف جنيه، وأقساطها بتبدأ من 500 جنيه شهريًا، والمستخدم يقدر ينضم لأكثر من جمعية في نفس الوقت. وأنت هنا مش مقيد بدايرة معارفك أو موقعك الجغرافي.

من مميزات التطبيق إن الجمعيات فيها خصوصية ومش كل اللي حواليك عارفين هتقبض كام وإمتى.

كمان التطبيق آمن، لأن كل المستخدمين بيوقعوا عقد قانوني للحفاظ على حقوقك وحقوقهم بكل أمان، والتطبيق بيقدم طرق دفع وقبض مختلفة.

إيه الجمعيات المتاحة؟

الجمعيات بتبدأ من قبض 3500 جنيه ومعاك حتى 100 ألف جنيه، والقسط بيبدأ من أول 500 جنيه شهريًا، ولحد 20 ألف جنيه، وتقدر تختار ما بين 3 مدد مختلفة؛ 5 شهور و 7 شهور و 10 شهور، وتقدر تشترك في أكتر من جمعية في نفس الوقت بكل سهولة.

ليه التطبيق ده آمن؟

كل مستخدم بيوقع عقد قانوني ده غير أوراق تثبت قيمة الدخل الشهري قبل بدء الجمعية، وده للحفاظ على حقوقك وحقوق كل المستخدمين وفي حالة تخلف بعض المشتركين عن دفع أقساطهم بتقوم MoneyFellows بتغطية الأدوار دي عشان قبضك يجيلك كامل.

 

تقدروا تفهموا أكتر فكرة جمعيات MoneyFellows من موقعهم الرسمي هنا.

وتقدروا تحملوا التطبيق الرسمي من هنا.