The Definitive Guide to Living in the Capital , Cairo , Egypt

 

درجة الحرارة في القاهرة صعبة جدًا، حقيقة ما حدش يقدر ينكرها! هنموت من الحر يا فخري! نعمل إيه في التغير المناخي وعمايله؟

موقع Bright Side نشر موضوع خدمي مفيد، عرض من خلاله 3 نصائح للناس اللي ما عندهاش تكييف في البيت.. بهدف الحفاظ على برودة المنزل، تعالوا نعرفها مع بعض:

افتح الشبابيك بليل

مهم تفتح شبابيك البيت بليل، وده هيخلي الهوا البارد يدخل لكل البيت وأركانه، ويخليه منعش، لكن الصبح أقفل الشبابيك علشان ما تسمحش للشمس تأثر على حيطان البيت.

وبصفة عامة عود نفسك تفتح الشبابيك كل يوم من بعد الساعة 8 بليل، وممكن تحط حتة قماشة مبلولة على الشباك، لإن ده بيساعد على دخول الهوا بشكل أفضل.

 

خلي السرير بارد

قبل ما تروح تنام لازم السرير يكون بارد، علشان تحس بانتعاش شديد، وتقدر تنام في راحة، وفيه فكرة عبقرية هتساعدك في تنفيذ ده وهي إنك تحط الملايات في الثلاجة لمدة 3 ساعات، والأفضل طبعًا تعمل ده قبل النوم بتلات ساعات. علشان تستمتع بأحلى برودة.

 

اصنع بنفسك تكييف منزلي

شوف يا سيدي، تجيب زجاجات مياه، وتحطها في الفريزر، لمدة 5 ساعات تقريبًا، وبعدين تخرجها، وتحطها قدام المروحة، الفكرة البسيطة دي هتخلي البيت مليان هوا بارد زي اللي خارج من التكييف بالظبط.. مش مصدق؟ جرب