The Definitive Guide to Living in the Capital , Cairo , Egypt

كتب: محمد صبري

كلنا عارفين إن البطالة من أكبر المشكلات اللي بتواجه أي مجتمع. وسوق العمل في مصر أصبح مؤخرًا صعب شوية، بسبب الإمكانيات والمؤهلات اللي بيفرضها على المتقدمين لوظائف جديدة. وده خلى الاتجاه للحرف والمشروعات الخاصة هو البديل الأنسب لخلق فرص عمل جديدة.

تحت شعار “طلع المهنة اللي جواك”، أطلقت شركة المحروسة للطاقة الحيوية، مبادرة “مهنة”. اللي بتهتم بالتأهيل المهني في جميع المجالات: زراعية وصناعية وتجارية وسياحية وحرف يدوية.

“مهنة” بتعمل على تقليص الفجوة في التدريب، بين اللي بيطلبه السوق في الحرف اليدوية والمهن المختلفة، وبين الشباب. وبتوفر المعلومات الكافية عن اتجاهات السوق وأماكن التأهيل المناسبة.

الفئات المستهدفة من المبادرة:

 – خريجي الدبلومات الفنية.

 – شباب الخريجين.

 – رواد الأعمال.

 – الباحثين عن عمل وعن تدريب متخصص.

 – المرأة غير العاملة.

 – متحدي الإعاقة.

ومن أهم أهداف مبادرة “مهنة”: سد الفجوة بين التعليم وسوق العمل في مصر. دعم التعليم الفني والارتقاء بمستواه. تقدروا تعرفوا أكتر عن المبادرة من هنا.

كمان تقدروا تتواصلوا معاهم من خلال الرقم ده: 01100020889