The Definitive Guide to Living in the Capital , Cairo , Egypt

الحياة في كايرو

مدينة الشروق أجمل بإطارات العربيات المستعملة (صور)

إطارات عربيات إطارات قديمة إعادة تدوير إعادة تصنيع الحفاظ على البيئة القاهرة تجميل خالد العبادي مبادرات مدينة الشروق
مدينة الشروق أجمل بإطارات العربيات المستعملة (صور)
بواسطة
Cairo 360

مدينة الشروق عملت مبادرة مميزة لتجميل المدينة عن طريق استخدام إطارات العربيات المستعملة، واللي كانت مجرد نفايات وملوثات للبيئة، وكان صعب التعامل معاها والتخلص منها.

جهاز مدينة الشروق قرر يحول إطارات العربيات المستعملة، لوحدات تجميل للمدينة، بتتنوع ما بين أحواض زهور، كراسي، ترابيزات، مراجيح أطفال، وكمان مجسمات شكلها جميل.

عن طريق دهان الإطارات دي بألوان جذابة، خصوصًا أنها بتتميز بقدرتها على مقاومة العوامل الجوية، وكل ده تم بتكلفة مادية قليلة جدًا.

ودي أحدث الأفكار والتجارب العالمية، فى مجالات التنمية العمرانية المستدامة، وإعادة تدوير واستخدام المخلفات، بهدف الحفاظ على البيئة.

اللي نفذ المبادرة دي هو الفنان خالد العبادي، الموظف بهيئة المجتمعات العمرانية الجديدة. واللي قام كمان بتلوين مجموعة كبيرة من أكشاك الكهرباء ورسم عليها.

اتفرجوا على الصور:

 

مقترح