The Definitive Guide to Living in the Capital , Cairo , Egypt

وسط تقلب الجو وتغيير الفصول ومن سخن لبارد والعكس، ناس كتيير بيجي لها دور البرد الموسمي بسبب تغيير الجو. ودي شوية نصائح علشان تتجنبوا الدور ده.

كل كويس وأشرب مياه

لازم تاكل خضار وفاكهة كويس علشان تقوي المناعة، واشرب مياة كتيير على الأقل 2 ليتر في اليوم، خلصة لو يتقعد كتيير في التكييف أو عندك دور برد أو أنفلونزا.

نام كويس

النوم بيعيد شحن طاقتك علشان تعرف تشتغل فلو بدأت تحس بأعراض البرد والأنفلونزا ساعد جسمك يخف أسرع عن طريق أنك تنام أكتر. وتريح جسمك.

أغسل إيدك باستمرار

فيروس البرد في الأغلب بيكون على إيديك وبعدين بيدخل جسمك من خلال عينيك أو مناخيرك أو فمك، فطبعًا هتبقى بتقلل من إن يجي لك دور برد عن طريق غسل إيديك باستمرار علشان تتخلص من الجراثيم، افرك إيديك جامد مع الصابون والماء الدافية لمدة 15 ثانية على الأقل.

العب رياضة

الرياضة هى الطريقة المثالية علشان يبقى عندك جهاز مناعة قوي، فحاول تتمرن لمدة 30 دقيقة على الأقل ثلاث مرات فى الأسبوع.

استخدم المناديل الورق

الكلينكس أو المناديل الورقية مش القماش واللي يبتم التخلص منها بأمان،  أفضل بكتير وبتقلل من خطر عدوى البرد.

 خد تطعيم الأنفلونزا الموسمية

فيروس الأنفلونزا  بيتغير كل سنة، علشان كده أنت بتحتاج تاخد  تطعيم الأنفلونزا الموسمية مرة كل سنة، للوقاية منه.

ألف سلامة عليك 🙂