The Definitive Guide to Living in the Capital , Cairo , Egypt

الحياة في كايرو

“ممشى أهل مصر”.. أحلى خروجة مجانية لكل المصريين والافتتاح خلال أسابيع

تفاصيل المرحلة الأولى من ممشى أهل مصر خروجات في القاهرة مشروع ممشى أهل مصر ممشى أهل مصر
“ممشى أهل مصر”.. أحلى خروجة مجانية لكل المصريين والافتتاح خلال أسابيع
بواسطة
Mohamed Talaat

ممشى أهل مصر واحد من أهم المشاريع الترفيهية اللي بتتم في مصر مؤخرًا، والمشروع ده هدفه توفير خروجة حلوة ومميزة لكل المصريين بشكل مجاني بالكامل.. ومؤخرًا تم الانتهاء من المرحلة الأولى من المشروع بطول كيلو و800 متر.

وبحسب تصريحات إعلامية للدكتور محمد مكاوي، الرئيس التنفيذي لشركة سيتي إيدج للتطوير العقاري، هيتم افتتاح المرحلة الأولى من المشروع قريب جدًا، وهتكون متاحة لكل المصريين بشكل مجاني، وفي نفس الوقت عمليات الإنشاءات مستمرة في المرحلة الثانية بطول 4 كيلو متر على جانبي النيل ومن المتوقع الانتهاء منها خلال 6 شهور.

والمرحلة الأولى بتضم 19 مبنى مختلف، و62 محل بمساحات مختلفة و5 كافتريات و5 مطاعم و3 جراجات للسيارات، ومراسي نيلية ومسارح عائمة، ومطاعم وكافتيريات، وخدمات ومنافذ بيع.

وهتبدأ المرحلة الأولى من الممشى، من كوبري 15 مايو لحد كوبري قصر النيل، ومن كوبري إمبابة لحد كوبري الساحل، بطول 3.2 كم، باستثمارات هتتجاوز الـ800 مليون جنيه، وهتضم ممشى متدرج بطول 4 كيلو مترات، و19 مبنى ما بين مطعم عائم و3 كافتيريات بمساحات مفتوحة، و63 محل تجاري و7 مباني خدمات، و9 مدرجات سعة 2552 فرد، ومسرحين سعة 1700 فرد، ده غير النوافير المائية.

ومن المتوقع يكون فيه إقبال جماهيري كبير جدًا على مشروع ممشى أهل مصر.

مقترح