The Definitive Guide to Living in the Capital , Cairo , Egypt

ساعات قليلة ويبدأ معرض القاهرة الدولي للكتاب في دورته الـ 51، وفي السطور الجاية هنقول لكم على كل اللي محتاجين تعرفوه عن مواصلات المعرض، بحسب اللي نشرته الصفحة الرسمية للمعرض على الفيسبوك، ونتمنى للجميع الوصول بسهولة.

خطوط الميكروباص لخدمة رواد المعرض:

هتلاقوا ميكروباصات من ميدان عبد المنعم رياض في وسط البلد لحد المعرض في القاهرة الجديدة، ودي سعرها 7 جنيه.

ومن موقف أحمد حلمي لحد المعرض 7 جنيه.

ومن ميدان العباسية للمعرض 6 جنيه.

ومن حدائق القبة للمعرض، هتدفعوا 6 جنيه.

ومن الحي العاشر ولحد المعرض 6 جنيه.

ومن موقف السلام للمعرض 6 جنيه.

ومن ميدان السيدة عائشة للمعرض 7 جنيه.

ومن موقف توشكي في حلوان للمعرض هتدفعوا 9 جنيه.

خطوط وأسعار الأتوبيسات الخاصة لمعرض الكتاب 2020:

وبتشمل ٧ خطوط بإجمالي ٨٠ أتوبيس، وهتزيد إلى ١٠٠ أتوبيس في أيام الأجازات، وهي كالتالي:

الخط الأول: عبد المنعم رياض – رمسيس – معرض الكتاب، عدد السيارات: 15

الخط الثاني: العباسية – الحي السادس – معرض الكتاب، عدد السيارات: 10

الخط الثالث: النزهة الجديدة – السبع عمارات – معرض الكتاب، عدد السيارات: 10

الخط الرابع: الأميرية – المطرية – معرض الكتاب، عدد السيارات: 10

الخط الخامس: ميدان الجيزة – السيدة عائشة – معرض الكتاب، عدد السيارات: 15

الخط السادس: مدينة السلام – الأوتوستراد – معرض الكتاب، عدد السيارات: 10

الخط السابع: المظلات – حدائق القبة – معرض الكتاب، عدد السيارات: 10

وكمان تم إضافة خط جديد لمواصلات معرض القاهرة الدولي للكتاب (حلوان -الأوتوستراد – صقر قريش) بتذكرة موحدة قيمتها 6 جنيه.

كمان هيقوم تطبيق Buseet بتوفير عدد من خطوط المواصلات من محطات القاهرة الكبرى الرئيسية لنقل رواد معرض القاهرة الدولي للكتاب من وإلى المعرض برحلات مخفضة بنسبة 50% شاملة تذكرة دخول المعرض، وده لما تستخدم بروموكودBookFair50.

الخطوط المتاحة للحجز بتشمل حدائق الأهرام، الزمالك، مدينة نصر، رمسيس، السلام الإقليمي، ٦ أكتوبر، وعبود.

ولمزيد من المعلومات والتفاصيل عن مواعيد الرحلات وأماكن التجمعات تقدروا تحملوا التطبيق من هنا.