نصيحة من مرور الجيزة لكل اللي هيستخدم كوبري الدقي
حادثة على كوبري الدقي حادثة كوبري الدقي كوبري الدقي مرور الجيزة ميدان الدقي
Cairo 360
حادثة على كوبري الدقي حصلت إمبارح واتسببت في تصادم عدد من العربيات، إيه اللي بيحصل بالظبط على كوبري الدقي؟ الإجابة في السطور الجاية.
النهارده العقيد وائل طاهر، مدير إدارة التخطيط والبحوث الفنية بمرور الجيزة، قال إن الطبيعية المعدنية لكوبري الدقي اتسببت إمبارح في انزلاق عربية بسبب سقوط الأمطار، وده اتسبب بدوره في تصادم العربية بعدد من العربيات من الاتجاه التاني.
العقيد وائل طاهر أضاف في مداخلة هاتفية مع برنامج “هذا الصباح”، اللي بتعرضه قناة “extra news”، إن مافيش خسائر بشرية بسبب الحادثة، وإن الخسائر كلها كانت عبارة عن تلفيات في العربيات. وبعدها مباشرة تم غلق الكوبري من الاتجاهين لحد ما يتم رفع العربيات.
لكن النهارده كوبري الدقي شغال بصورة طبيعية بعد رفع العربيات، والحالة المرورية عليه معقولة، وإدارة المرور بتنصح كل السائقين اللي هيستخدموا الكوبري بتخفيض السرعة لحد ما يتم الانتهاء من أعمال الصيانة خلال الشهر الجاي.
مصدر الصورة الرئيسية موقع البوابة
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
