The Definitive Guide to Living in the Capital , Cairo , Egypt

قريبًا، هتشهد القاهرة، أهم حدث سياحي في السنوات الأخيرة، وهو مشروع نقل المومياوات الملكية من المتحف المصري إلى المتحف القومي للحضارات، وهو الحدث اللي هتنقله أهم وسائل الإعلام المحلية والدولية على الهواء، وعلشان كده بتشهد شوارع محافظة القاهرة اللي هتشهد مرور نقل المومياوات الملكية تطوير مهم علشان تظهر في أفضل صورة ممكنة.

تعالوا نتعرف على خطة اليوم بالتفصيل من خلال 5 معلومات فيهم الخلاصة:

1- بحسب تقارير حديثة نشرتها مواقع محلية، خط سير المومياوات هيبدأ من ميدان التحرير اللي فيه مقر المتحف المصري واللي هتخرج منه المومياوات، مرورًا بميدان سيمون بوليفار القريب من مقر السفارة الأمريكية بوسط القاهرة، ثم كورنيش النيل، وبعدها حي السيدة زينب، وبعده حي مصر القديمة، ولحتى الوصول لمقر متحف الحضارات.

2- الفترة دي بيتم تطوير كافة الشوارع الواقعة بمسار الموكب الملكي بهدف رفع كفاءتها علشان تظهر في أفضل شكل ممكن يتناسب مع الحدث المهم، ومن المقرر إخلاء بعض الشوارع من المارة يوم النقل.

3- خلال أيام هيتم تنسيق ألوان العقارات اللي في الشوارع اللي هتشهد مسار الموكب.

4- عدد المومياوات والتوابيت اللي هيتم نقلها هو 22 مومياء ملكية، بترجع لعصر الأسر الـ 17، 18، 19، 20، ومن بينها 18 مومياء لملوك و4 مومياوات لملكات.

5- أهم المومياوات اللي هيتم نقلهم هم: مومياء الملك رمسيس الثاني، والملك تحتمس الثالث، والملك ستي الأول، والملكة حتشبسوت.