“نلبس خفيف ولا نستنى”؟ اعرفوا نصائح هيئة الأرصاد لسكان القاهرة
الربيع الشتاء الصيف القاهرة درجة الحرارة في القاهرة طقس القاهرة هيئة الأرصاد
Mohamed Talaat
ناس كتيرة من سكان القاهرة مش عارفين هل الصح نخفف الملابس الفترة دي ولا نفضل بنلبس تقيل.. خصوصًا في ظل حالة الطقس المتقلبة، وعلشان كدة وجهت هيئة الأرصاد الجوية شوية تحذيرات مهمة للمواطنين، وطلبت منهم مايتخدعوش في المناخ، وأضافت إن الشتاء ما انتهاش.
وبتشهد القاهرة النهارده ارتفاع في درجات الحرارة، من خلال طقس مائل للحرارة في النهار وشديد البرودة في المساء.
وبيتوقع الدكتور محمود شاهين، مدير مركز التحاليل والتنبؤات بالهيئة العامة للأرصاد الجوية إن درجة الحرارة هتعاود الانخفاض تاني في الأيام الجاية.
وبيقول شاهين إن فصل الشتاء وتقلباته الجوية مستمرة لحد نهاية شهر مارس، والأفضل بلاش ننخدع بالارتفاع في درجة الحرارة اللي بنحس بيه الأيام دي في ساعات النهار.
وبيؤكد شاهين أنه من الأفضل مانخففش الملابس بشكل كبير لحد بداية فصل الربيع، لأنه فصل انتقالي فيه كثير من التقلبات الجوية، وبينصحكم بلبس جاكيت خفيف الفترة دي، ومتابعة النشرات الجوية كل يوم علشان تعرفوا حالة الطقس، والناس اللي هتخرج بليل أو هتسهر يفضل يكون معاها جاكيت تقيل علشان لو حسوا إن الجو برد. كمان بلاش حد يلبس نصف كم الفترة دي.
فريق كايرو 360 بيتمنى كل السلامة لأهل القاهرة!
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
