The Definitive Guide to Living in the Capital , Cairo , Egypt

الحياة في كايرو

نُساعد.. موقع مصري جديد لكل أصحاب الهمم

أصحاب الهمم ذوي الاحتياجات الخاصة نساعد
نُساعد.. موقع مصري جديد لكل أصحاب الهمم
بواسطة
Mohamed Talaat

“نُساعد”، ده اسم أحدث موقع مصري لمساعدة أصحاب الهمم، واللي بيقدم لمتحدي الإعاقة كل المعلومات والأخبار والمواد اللى تساعدهم على تنمية قدراتهم، وحل مشاكلهم.

الموقع بيضم 6 أقسام رئيسية، منها “قصتي” اللي بيرصد قصص النجاح لأبطال من أصحاب الهمم، و”مقالات” وهو خاص بكتابات الرأي في كل ما يخص أحوال أصحاب الهمم، و”حكايات” اللي بينشر تقارير خاصة بالأبطال من متحدي الإعاقة اللي حصلوا على بطولات في كافة المجالات، وألبومات صور لأنشطتهم المختلفة وتكريماتهم.

كمان الموقع فيه قسم “تحقيقات”، واللي بيفرد مساحة كاملة عن أحوال أصحاب الهمم ومشاكلهم والقوانين الخاصة بيهم وغيرها من الموضوعات.

وبيضم موقع “نُساعد” كمان قسم متخصص للمالتي ميديا، وموجود فيه إنفوجراف وفيديوهات لقصص مختلفة من شأنها تحفيز أصحاب الهمم.

والقسم الأخير خاص بالأخبار، وبيضم كل الأخبار اللي بتهم أصحاب الهمم.

تقدروا تتعرفوا أكتر على الموقع من هنا.

أو زوروا صفحتهم على فيسبوك من هنا.

مقترح