The Definitive Guide to Living in the Capital , Cairo , Egypt

الترفيه جزء مهم من حياتنا اليومية. ممكن نقضيه خروجات أو فسح أو سفر. وفيه اللي بيحب الرياضة. وده بيخلي ناس كتير بتشترك في النوادي المختلفة، علشان تمارس الرياضة اللي بتحبها، وفي نفس الوقت تستمتع بأنشطة النادي. علشان كده إحنا في كايرو 360 قولنا نجيب لكم أسعار الأشتراك في أهم نوادي القاهرة.. جاهزين تفتحوا الحصالة؟

نادي الجزيرة

نادي الجزيرة هو واحد من أهم النوادي الموجودة في القاهرة. اتأسس عام 1882، وهو موجود في منطقة الجزيرة، شمال منطقة الزمالك.

وسعر الاشتراك في النادي: 1.000.000 جنيه.

 

النادي الأهلي

النادي الأهلي له 3 فروع، وهم: الزمالك – أكتوبر – مدينة نصر. واتأسس عام 1907 على إيد كبار شخصيات مصر. زي: عمر لطفي بك ومصطفى باشا سامي.

وسعر الاشتراك في النادي: 255000 جنيه. وقريب هيبقي: 350.000 جنيه.

 

نادي المعادي

نادي المعادي الرياضي واليخت اتأسس عام 1920، وكان بهدف جذب أكبر عدد من المصريين في الأجانب في الوقت ده. بما إن سكان المنطقة كانوا من الطبقات الراقية في الوقت ده.

وسعر الاشتراك في النادي: 200.000 جنيه

 

نادي وادي دجلة

نادي وادي دجلة واحد من أهم النوادي الموجودة حاليًا في مصر. وفيه نظامين للاشتراك:

اشتراك 130.000 جنيه: وده بيسمح بدخول كل فروع النادي في مصر.

اشتراك 120.000 جنيه: وده لفروع القاهرة الكبرى بس.

 

نادي الزمالك

النادي اتأسس عام 1911 تحت اسم “نادي قصر النيل. وهو واحد من أقدم الأندية المصرية والعربية.

وسعر الاشتراك في النادي: 185000 للقطاع الحكومي – 200.000 للقطاع الخاص.

 

نادي هليوبوليس

الاشتراك في فرع مصر الجديدة اتقفل، والاشتراكات مسموح بها بس في فرع الشروق.

وسعر الاشتراك في النادي: 325.000 جنيه.

يا ترى بعد الأسعار دي.. قررتوا تشتركوا في أنهي نادي؟ ولا صرفتوا نظر عن الفكرة خالص؟