The Definitive Guide to Living in the Capital , Cairo , Egypt

الأفلام هي وسيلة من وسائل تحقيق الأحلام، ممكن فيلم يبقى بيعبر عن أحلام وحياة ناس كتير أو بيكشف عن قضية ماحدش واخد باله منها أو تم تجاهلها، ودايمًا مهمة الأفلام الوثائقية هي كشف حواديت الناس بشكل حقيقي وبدون تزييف أو تجميل.

علشان كده فرحنا جدًا لما تابعنا أخبار انطلاق  فعاليات الدورة الثانية من مهرجان أيام القاهرة السينمائية واللي هيبدأ من يوم 23 أبريل 2018، واللي بتقوم بتنظيمه سينما “زاوية” بهدف التركيز على إنتاجات السينما العربية المستقلة، وهتفضل عروض الأفلام مستمرة لحد يوم 30 أبريل، فى سينمات كريم وسينماتيك بوسط القاهرة، وسينما الزمالك في منطقة الزمالك.

والمسابقة الخاصة بالأفلام الوثائقية في المهرجان بتضم 10 أفلام تم اختيارها بعنياة شديدة بينها 3 من مصر، وهم: “شعور أكبر من الحب” من لبنان، و”اصطياد الأشباح” من فرنسا وفلسطين وسويسرا وقطر، و”نهايات سعيدة” من مصر، و”عندى صورة” من مصر، و”بين هياكل ستوديو بعلبك” من لبنان وألمانيا، و”كباش ورجال” من فرنسا وقطر وسويسرا، و”بانوبتيك” من لبنان والإمارات، و”غرفة الرجل” من لبنان والولايات المتحدة الأمريكية، و”طعم الإسمنت” من ألمانيا ولبنان وسوريا والإمارات العربية المتحدة وقطر، و”سوف تطاردك المدينة” من مصر.

الأفلام الوثائقية والأفلام السينمائية الهادفة بدأت تنال اهتمام كثير من الشباب في الفترة الأخيرة والفضل في ده يرجع بشكل كبير لسينما زاوية. نتمنى تستمتعوا بالأفلام.