Cairo 360
فقدان شخص قريب وعزيز، بيكون صعب جدًا. وخصوصًا لو الشخص ده واحد من أفراد الأسرة. وموقف زي ده بيأثر بشكل كبير على الفرد. وبيدخله في حالة حزن قوية جدًا. وعلشان يتم التغلب عن مشاعر الحزن القوية دي، موقع اليوم السابع نشر 3 نصائح مهمة، حددتها أخصائية الحزن “ليانا تشامب” الأمريكية، للتعامل السليم مع المواقف المشابهة:
1- ماتعزلش نفسك
الحزن ده حاجة صعبة جدًا، والوحدة بتزوده. لازم تفضل قريب من شخص انت بتحبه، وتقدر تتكلم معاه وتفضفضله. المشاركة بالكلام مع شخص قريب دايمًا بتساعد على الإحساس بالارتياح.
2- عرَف اللي حواليك إنك حزين
الحديث عن شخص مفقود دايمًا بيفكرنا بإنهم عاشوا حياة كريمة، وقد إيه هم مهمين بالنسبة لنا. وده في حد ذاته شفاء من الحزن.
3- غير عاداتك السيئة
حاول تبدل عاداتك السيئة كلها بعادات جديدة مفيدة. يعني مثلًا لو بتنام كتير، تبدأ تخطط لأنشطة مختلفة في يومك. وقف التدخين لو بتدخن. ابدأ في قراءة كتب مختلفة. العب رياضة، وهكذا.
والأهم إنك ماتلومش نفسك وتقول مفيش أمل، لأن التغيير دايمًا بياخد وقت ومجهود.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
