5 أماكن في القاهرة لخروجة حلوة في إجازة نصف السنة
أماكن للخروج خروجات خروجات القاهرة خروجات في وسط القاهرة
Cairo 360
رنا شرف
إجازة نصف السنة فرصة حلوة للخروج والانبساط، فلو نفسك تخرج خروجة حلوة وغير مكلفة وهتخليك تغير جو وتفرح مع حبايبك وكمان تاخد مجموعة صور تذكارية مميزة فخلينا نعرفك على 5 أماكن هتستمتع فيهم بجمال الإجازة.
المتحف القومي للحضارة
لو مهتم بالتاريخ والأجواء المصرية القديمة الجميلة يبقي هو ده مكانك! متحف الحضارة مكان حلو وفيه كمية إبهار مش طبيعية. سعر التذكرة للطلاب 30 جنيه مصري.
حديقة الأزهر
لو أنت من محبي الطبيعة ومنظر الأشجار والسماء والهواء النقي بيخليك مبسوط يبقى ننصحك تروح الفترة دي حديقة الأزهر، اللي محافظة على جمالها لحد النهارده وسعر تذكرتها مناسب جدًا مقارنة بمستواها وهو 35 جنيه. الحديقة فيها مطاعم وكافيهات كتير.
مركز البولينج الدولي
لوبتحب الرياضة يبقي مكان زى مركز البولينج أكيد هيعجبك. البولينج رياضة جميلة وبسيطة لكن مش هي الرياضة الوحيدة في المكان، هتقدر تلعب بلياردو وألعاب إلكترونية، والأسعار أقل من 50 جنيه.
سينمات القاهرة
لو أنت من محبيي الأفلام والسينمات يبقي هتنبسط بخروجة سينما في وسط البلد، بسعر تذكرة في المعقول، أقل من 100 جنيه، وعندك سينمات شارع عماد الدين، وكريم، وديانا، وسينما زاوية كمان. وسط البلد هي عاصمة السينمات الرخيصة.
مولات كايرو
لو حابب تحس إنك مش لوحدك وإنك وسط ناس كتير حتى لو ماتعرفهمش، يبقى المول هو خروجتك اللي هتبسطك، شوف واختار ما بين مول مصر ومول سيتي ستارز ومول العرب وأكتر! القاهرة هي عاصمة المولات في الشرق الأوسط.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
