5 مناطق تاريخية في القاهرة هتستعيد جمالها من تاني
الجمالية الحاكم بأمر الله الحسين الخيامية باب زويلة حارة الروم درب اللبانة
Mohamed Talaat
القاهرة التاريخية لها رونق خاص ومكانة في كل قلب زارها وشافها، ودايمًا هي نبض المدينة الساطع، ولكن الإهمال اللي حصل خلال سنين كتير فاتت خلى مناطق كتير تفقد رونقها. ومؤخرًا بيشتغل جهاز التنسيق الحضاري على إنه يرجع رونق القاهرة من تاني، وده بالتعاون مع جهات حكومية مختلفة بالإضافة للجهات المانحة.
وفي الفترة الأخيرة، بيتم تطوير مناطق كتير في القاهرة التاريخية، تعالوا نتعرف على أبرز 5 مناطق تاريخية مهمة بيتم تطويرهم حاليًا علشان يستعيدوا رونقهم ويرجع من تاني لشكلهم الحضاري المبهر.
منطقة الحاكم بأمر الله
بيعتبر مسجد الحاكم بأمر الل من أجمل المساجد في مصر والعالم الإسلامي كله، وحاليًا بيتم تطوير المنطقة المحيطة بالمسجد وهتشمل باب النصر وباب الفتوح على مساحة 14 فدان، وهتضم مناطق الجمالية وشارع المعز وشارع الضبابية لخطة التطوير.
منطقة باب زويلة
منطقة جنوب باب زويلة بيتم تطويرها حاليًا، والتطوير هيشمل منطقة ما بين شارع أحمد ماهر والدرب الجديد، وكمان عطفة السبكي وقصبة رضوان ومحيط الخيامية ولحد حمام القربية.
حارة الروم
بتقع حارة الروم بالقرب من باب زويلة وحاليًا بيتم تطويرها والمنطقة المحيطة بيها، وهتشمل منطقة خلف وكالة نفيسة البيضاء، وحتى حارة الروم من الشمال، ومن الجنوب من شارع أحمد ماهر لحد الدرب الجديد.
الحسين
منطقة الحسين هي كمان ضمن خطة التطوير بعد العظمة اللي شهدها تجديد المسجد، وهيتم تطوير 13.7 فدان حول المسجد بداية من شارع الأزهر بالجنوب وشارع سيد الدواخلي من الشرق وشارع أم الغلام والدرب الأحمر من الغرب وشارع قصر الشوق لحد الجمالية من الشمال.
درب اللبانة
على مساحة 10.5 فدان هيتم تطوير منطقة درب اللبانة من ناحية شارع سكة الكومي من الشرق وسكة المحجر وميدان صلاح الدين “القلعة” من الجنوب، والشارع المطل على شارع الرفاعي غرب المنطقة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
