The Definitive Guide to Living in the Capital , Cairo , Egypt

الحياة في كايرو

5 مناطق في القاهرة فيهم رمضان بتاع زمان

أماكن للخروج في رمضان أماكن للسهر في رمضان رمضان 2023 مناطق تاريخية في القاهرة
5 مناطق في القاهرة فيهم رمضان بتاع زمان
بواسطة
Cairo 360

يمنى أحمد

القاهرة فيها مناطق جميلة، قديمة، عظيمة، وكلها تفاصيل مدهشة. وفي رمضان كتير مننا بيحب يفتكر ذكريات وأيام زمان، وفي الحالة دي أنت مش محتاج آلة زمن.. أنت بس محتاج تروح لـ5 مناطق في القاهرة هينقلوك بجد لرمضان بتاع زماااان.

في السطور الجاية هنعرفك على 5 أماكن بطعم رمضان بتاع زمان.

شارع المعز:

في الجمالية وأنت ماشي ناحية خان الخليلي ومسجد الحسين هتلاقي شارع طويل كده مليان مساجد ومباني عظيمة، ده شارع المعز. يمكن من شهرته ممكن تكون عارفه بس هتكون خسران لو مجربتش تمشي فيه شوية تتأمل الجدران وحيوية الشارع، هيسافر بيك لأحلام زمان وهتحب فيه نفسك.

 

الدرب الأحمر:

لما تدخل حي الدرب الأحمر هتحس بإن الزمن خطفك ورجعك عند نقطة معينة، وقتها مش هيجي في بالك غير جدك وجدتك اللي كانوا بيحكو حواديت آخر الليل عن الأبطال والجميلات. المنطقة أشبه بمتحف مكشوف بيوضح لك قد إيه إن القاهرة عظيمة، هتحس بقيمة المدينة هناك.

 

الحسين:

دايمًا الأماكن اللي بتمس عقيدتنا وروحانيتنا بيكون ليها ميزة عندنا، بس مساجد آل البيت بتكون مختلفة أكتر، بنرجع فيها لكل مرة ربنا نجدنا فيها من أزمة أو جينا ربنا نجانا من الهم. تقدر تشوق قلبك ببساطة هناك في المشهد الحسيني والمسجد والضريح.

 

الغورية:

هيا يمكن تبان منطقة تجارية من بره في تجارة الأقمشة والمفروشات والسجاد ولكنها ليها قيمة تاريخية كبيرة خاصة إن فيها باب زويلة، وممكن ترجعك لأيام المماليك اللي قرأت عنهم في كتب التاريخ وتقف تتخيل حياتهم كانت عاملة إزاي هنا.

 

السيدة زينب:

ودي ليها شعبية كبيرة عند المصريين، هتحس بإن فيه الهام نزل عليك هناك وفرحة انت مش عارف مصدرها أول أما تدخل المنطقة.

مقترح