The Definitive Guide to Living in the Capital , Cairo , Egypt

القاهرة بتتغير! دي حقيقة ماحدش يقدر ينكرها، مشاريع عظيمة ومهمة بتحصل حوالينا كل يوم، ومنها مشروع تطوير منطقة الفسطاط بالكامل، واللي أعلنت مصر في الساعات الأخيرة إنها هتبدء في تنفيذه ضمن انشاء مشروع “تلال الفسطاط”، تعالوا نتعرف أكتر على المشروع المهم ده من خلال 5 معلومات فيهم الخلاصة.

1 – هيبدأ تنفيذ مشروع “تلال الفسطاط” بمجرد تسليم أرض منطقة “بطن البقرة”، لهيئة المجتمعات العمرانية واللي هتنفذ المشروع، علشان يضم المساحات المحيطة بمتحف الحضارة المصرية بما فيها أرض حديقة الفسطاط وأرض نادي الأبطال وكمان الأرض الفاضية على امتداد شارع الفسطاط ولحد مسجد عمرو بن العاص، وده هيغير شكل المنطقة بالكامل.

 2 – بيشمل مخطط مشروع “حديقة تلال الفسطاط”، إنشاؤها على مساحة 500 فدان في موقع مركزي بقلب القاهرة التاريخية، علشان تحتضن متحف الحضارة و بحيرة عين الصيرة ومجمع الأديان وجامع عمرو بن العاص.

3 – الهدف هو مزج الحديقة مع الطبيعة الحضارية للمكان علشان تحصل نقلة بيئية نوعية في العاصمة، وتتحول المنطقة لأكبر متنفس أخضر في قلب القاهرة التاريخية.

4 – هيتضمن المشروع كمان مجموعة من الأنشطة اللي بتعتمد على إحياء التراث المصري عبر مختلف العصور المصرية القديمة والقطبية والإسلامية والحديثة، ده غير مجموعة من الأنشطة الثقافية والتجارية والخدمات الفندقية والمسارح المكشوفة.

5 – المشروه هيتضمن كمان إنشاء منطقة آثار وحفريات، ومنطقة حدائق تراثية، بالإضافة إلى إنشاء هضبة كبيرة هتتيح التواصل البصري الفريد مع أهرامات الجيزة وقلعة صلاح الدين ومآذن القاهرة.