The Definitive Guide to Living in the Capital , Cairo , Egypt

الشتاء وصل وما يحلى السفر لجنوب  مصر إلا في الشتاء، ولو أنتم من هواة الجو الدافئ والحضارة الفرعونية، يبقى لازم تزوروا الأقصر وأسوان، وفي السطور الجاية هنقول لكم على 7 نصائح هتخلي تجربة السفر خالية من الممل.

1- اختاروا وسيلة سفر مريحة، علشان ساعات السفر الطويلة محتاجة قعدة مريحة.

2- شنطة السفر لازم يكون فيها الأساسيات، وكل ما كانت صغيرة على قد الرحلة ومدتها كل ما تكون أفضل علشان لو طلعت سفاري أو اتنقلت من مكان لمكان تاني، ولازم يتوفر فيها الأمان، ويفضل تكون بقفل علشان متتسرقش وتندموا.

3-  حددوا الفلوس اللي محتاجينها قد إيه علشان تشتروا مستلزماتكم، ولو أنتم من هواة شراء الهدايا والذي  منه يبقى تخلوا بالكم من وجود مساحة كافية للهدايا في الشنطة، ولازم تراعوا الوزن خاصة لو أنتم هتسافروا طيران.

4- خدوا معاكم حاجات تسليكم في السفر، زي الكتب والألعاب الإلكترونية المختلفة.

5- دايمًا خلوا الكاش اللي معاكم قليل وتعتمدوا على البطاقات البنكية وده أفضل علشان لو اتعرضتوا لأي موقف مش كويس.

6- استخدموا الخريطة في إنكم توصلوا للأماكن اللي عاوزينها، سواء ورقية أو الكترونية، وخليكم فاكرين أن أفضل من الخريطة سؤال أهل المكان اللي أنتم فيه، وماتنسوش أن الغريب أعمى ولو كان بصير.

7- لما تزوروا أماكن سياحية في رحلة السفر دوروا على الأنشطة المجانية طوال فترة إقامتكم، ومن بعدها شوفوا الأنشطة المدفوعة ورتبوا أولوياتكم، وبكده هتستمتعوا أكتر وهتصرفوا أقل ودي قمة الاستمتاع بالرحلات.