UTurn: مدرسة لتعليم السواقة للبنات وبس في القاهرة
Mohammed Sabry
كتب: محمد صبري
المسافات البعيدة للمشاوير، والسكن في مكان بعيد عن الشغل، وأحيانًا عدم الارتياح في المواصلات ، كلها عوامل بتخلي وجود العربية أمر ضروري بالنسبة للبنات. بس قبل وجود العربية بيبقى تعلم السواقة هو البداية. وهنا بقى بتيجي مشكلة بنات كتير. وهي أنهم بيدوروا على مكان يكون المدربين فيه بنات زيهم. ودي حاجة بتكون فيها أريحية أكتر لهم، في التفاهم والتعامل والاتفاق، وكل حاجة خاصة بموضوع السواقة.
ده بالتحديد اللي بيقدمه سنتر UTurn لتعليم السواقة للبنات. وهو مدرسة خاصة بتعليم السواقة للبنات وبس. والمدربين فيها كلهم بنات. يعني أي بنت لسه بتدور على مكان خاص بالبنات يعلمها السواقة، يبقى UTurn هو مكانها المناسب.
المدرسة بتقدم مستويين:
– الأول: كورس مدته 7 ساعات ونص. بيتقسم على 5 مرات. سعره: 1050 جنيه. ولو بعربيتك السعر: 800 جنيه.
– الثاني: كورس مدته 4 ساعات ونص. بيتقسم على 3 مرات. سعره: 700 جنيه. ولو بعربيتك السعر: 550 جنيه.
وفي الحالتين المدربة بتيجي لحد عندك. أما لو مكانك قريب من السنتر، بتاخدي الكورس الأول بسعر: 900 جنيه. والثاني بسعر: 600 جنيه.
الأسعار دي ثابتة وموحدة فيما عدا: اكتوبر – الشروق – حدائق الأهرام – مدينتي – العبور – المستقبل. دي أماكن لسه مفيهاش مدربات، فبيكون لها أسعار خاصة.
طب إيه هي مميزات سنتر UTurn؟
– المدربة بتيجي لحد عندك، وبترجعك تاني. وده بيوفر عليكي المواصلات.
– وقت الكورس من وقت السواقة الفعلي، مالوش علاقة بوقت التنقل والواصلات.
– الكورس كله سواقة عملي. والنظري حاجات بسيطة بتوصلك عن طريق واتساب أو الصفحة.
– الدفع والحجز ممكن يتم عن طريق المدربة اللي بتيجي لحد عندك.
– العربيات كلها حديثة ومكيفة.
– تقدري تحددي المواعيد اللي تناسبك مع مدربتك.
– في حالة عدم ارتياحك للكورس، بتبلغي الإدارة من خلال الأرقام الخاصة بالصفحة.
عنوان السنتر: بلوك 116، عمارة 1، شارع جمال الدين الشيال، امتداد عباس العقاد، حي السفارات، مدينة نصر. ودي صفحتهم.
وتقدروا تتواصلوا معاهم من خلال الأرقام دي: 01010224507 – 01066267709 – 01113348089
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
