أهلًا رمضان.. 3 أماكن في القاهرة تشتروا منهم أجمل فانوس
أماكن بيع فوانيس في القاهرة السيدة زينب في رمضان شارع المعز في رمضان فوانيس رمضان منطقة الخيامية
Cairo 360
بقلم وتصوير: رنا شرف
أيام ويهل علينا شهر رمضان، شهر جميل وكله بركة وأيامه ليها معانا طقوس خاصة. وطبعًا مافيش حد في مصر ماجبش فانوس وهو صغير ولعب بيه في بيته أو مع أصحابه في الشارع، وحتى وإحنا كبار الفوانيس لسة بالنسبة لنا مصدر بهجة.
وحكاية الفانوس في القاهرة بترجع لأيام الفاطميين، وتقدروا تعرفوا الروايات التاريخية المختلفة لظهور الفانوس في العاصمة المصرية من الموضوع ده.
تشتري فانوس حلو منين؟
لو نفسك تشتري فانوس مميز لشهر رمضان بسعر معقول، يبقى ننصحك تنزل شارع المعز الفترة دي، هناك الفوانيس كتير وبكل الأشكال التقليدية القديمة لحد الأشكال الجديدة المستحدثة.
السيدة زينب كمان من الأماكن الجميلة جدًا في القاهرة اللي هتلاقي فيها فوانيس كتير بأشكال جميلة، ومع الفوانيس المعروضة في الشوادر هتحس إنك عايش أجمل مظاهر رمضان في المنطقة دي، وهتسمع أجمل أغاني رمضانية هناك.
شارع الخيامية في منطقة الأزهر كمان من الأماكن المميزة اللي هتلاقي فيها أشكال حلوة وأسعار معقولة لفانوس رمضان، وهناك هتستمتع بأجواء جميلة، وممكن تشتري حاجات كتير تانية لبيتك زي زينة رمضان ومفارش مناسبة للشهر الكريم بأسعار متنوعة ومعقولة.
وكل سنة وأنتم طيبين، ورمضان كريم يا أهل القاهرة!
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
