The Definitive Guide to Living in the Capital , Cairo , Egypt

تسوق

إزاي تقدر تختار التكييف المناسب لاحتياجاتك؟

إزاي تقدر تختار التكييف المناسب لاحتياجاتك؟
بواسطة
Mohammed Sabry

مع حر الصيف اللي كل سنة بيزيد عن اللي قبلها، بقت التكييفات ضرورة في كل بيت. وعلشان تشتري تكييف، لازم تعرف كويس إزاي تختار التكييف المناسب لك. بس قبل ما نعرف إزاي نختار التكييف، تعالوا نتعرف على أنواعه:

من حيث التصميم:

تكييف سبليت: وده بيكون فيه وحدة داخلية جوة المكان. ووحدة خارجية (الكمبريسور). وده بيكون هادي من ناحية الصوت.

تكييف شباك: وده عبارة وحدة واحدة فيها الكمبريسور ومروحة التبريد، ومفاتيح التشغيل. 

 

من حيث الأداء

بارد – بارد وساخن – بارد بلازما – بارد وساخن بلازما.

خاصية البلازما هي خاصية تنقية الهواء، من الغبار والأتربة والدخان، زي دخان السجائر.

 

نيجي بقى لاختيار التكييف المناسب لبيتك:

مهم أوي نعرف إن قوة 1 حصان، بتغطي مساحة 8 متر مربع. يبقى الـ 1.5 حصان بيغطى مساحة 12 متر مربع. بما إن التكييفات بتبدأ من 1.5 حصان.

يعني مثلا لو غرفتك 20 متر مربع. يبقى أنت محتاج لتكييف قوة 3 حصان. ولو المساحة أكبر لنفس التكييف، ده هيخليه مايفصلش ومايبردش بالشكل المناسب. وبالتالي هيقصر عمره الافتراضي.

أما في الأدوار الأخيرة، المعرضة للشمس بشكل مباشر. هتحتاج لقوة حصان أعلى، لنفس المساحة. يعني في مساحة 12 متر مربع، هيناسبك تكييف 2.25 حصان بدل 1.5 حصان. وتكييف 3 حصان بدل 2.25 حصان، وهكذا. لأن الشمس المباشرة هتعلي درجة حرارة البيت أكتر.

دلوقتي تقدر تختار التكييف المناسب لأي مكان في بيتك.

 

مقترح