The Definitive Guide to Living in the Capital , Cairo , Egypt

جزء أساسي من أكلنا اليومي هو الأكل المتخصص. ويعتبر من أهم المنتجات الغذائية اللي بنتعامل معاها في حياتنا. ومن الصعب نستغنى عنه. 

جوائز اختيارات المحررين لأفضل أماكن الأكل المتخصص لعام 2018:

إمتنان – Imtenan:

امتنان منتجاته صحية 100%. وفيه  هتلاقي كل حاجة لها علاقة بالأكل الصحي والنظام الغذائي. وده خلاه يضمن مكانه وسط الفائزين في الأكل المتخصص.

أبو عوف – Abu Auf:

بأنواعه المختلفة من المكسرات اللي بيقدمها. والمنتجات المتنوعة من الفواكه المجففة وحبوب القهوة. أبو عوف دايمًا مكانه محفوظ بين الفائزين.

جورميه مصر – Gourmet Egypt:

جورميه مصر هو المكان اللي بيجمع أحسن وأجود المكونات اللي ممكن تستخدمها في الأكلات، ده غير أنه بيقدم مجموعة كبيرة من المنتجات الغذائية العالمية اللي مش موجودة في أي سوبر ماركت ثانية في مصر. ولو انت غاوي طبخ، يبقى أكيد تعرفه.

محلي – Ma7ali:

كل المنتجات عند محلي، محلية الصنع وعضوية، ده غير أنه كمان بيبيع منتجات مش سهل تلاقيها في مصر زي “شتني” وهو غموس مبهّر مشهورة به الهند ودول آسيا، وشاي “الكومبوشا” الآسيوي. وبفرعه في شارع 9 في المعادي، قدر يقدم مفهوم جديد عن أماكن بيع البقالة والمنتجات الغذائية.

وادي فوود – Wadi Food:

ووادي فوود قدر يحقق نجاح ملحوظ، بجودة منتجاته الغذائية المتنوعة، اللي بنقابلها على طول في كل سوبر ماركت بنروحها. حتى قبل ما يفتح فروعه.

مزارع دينا – Dina Farms:

المنتجات الزراعية عالية الجودة لمزارع دينا، هي سبب شهرته. واللي بتختلف عن أي مكان ثاني. وحتى بعد ما فتح فروع خاصة به في المدينة وقدم لنا مجموعة أكبر من المنتجات الغذائية، قدر أنه يحقق نجاح بجودة منتجاته وأسعاره المناسبة.

هاوس أوف كوكوا – House of Cocoa:

مدمني الوشوكلاتة في مصر، المكان ده بالنسبة لهم جنة. سواء غامقة، فاتحة، مسكرة أو حادقة، كل أنواع الشوكولاتة اللي تعرفها أو ماتعرفهاش، هتلاقيها في هاوس أوف كوكوا.