The Definitive Guide to Living in the Capital , Cairo , Egypt

شكل البيت وديكوراته، والتصميمات البسيطة اللي بتدي شكل مختلف، من الحاجات اللي بتهم أي حد، وكمان منتجات العناية بالبشرة والصحة، مهمة جدًا. والقاهرة فيها محلات كتير متخصصة في إكسسوارات البيوت، ومنتجات الجمال، وبتقدم منتجات مختلفة على حسب كل ذوق.

جوائز اختيارات المحررين لأفضل أماكن الديكورات المنزلية لعام 2017:

نيللينز – Nillens

المكان اللي هيديك طاقة أمل غير عادية في أن المنتج المصري ممكن فعلًا يبقى أعظم منتج في الدنيا لو بس شوية معرفة مع شوية إتقان! المنتجات اللي بيعملها المكان كلها منتجات قطنية مصرية مصنعة محليًا بجودة عالية جدًا وتصميم جمالي ممتاز بالإذافة لكونها عملية إلى أبعد حد.. إحنا نقول عمار يا مصر بقى.

 

إيكليجو ديزاين – Eklego Design

عالم التصميم بيحتاج مخزون كبير من الأفكار والنماذج وانفتاح على طبائع مختلفة علشان تعرف تطلع بناتج مميز ومبدع، الناس في “إكليجو” مدركين الحقيقة دي كويس أوي، علشان كده دايمًا هتلاقي عندهم المميز والجديد.

 

ديزاين إمبوريوم – Design Emporium

ديزاين إمبوريوم بقى لهم ربع قرن كامل في مجال الديكورات والديزاين الداخلي محافظين على الريادة فيه، وده إن دل على شيء فإنما يدل على كفاءة غير عادية، وتركيز شديد جدًا، وتطور دائم، وخبرة إيجابية مستمرة في الزيادة مع الوقت.

 

كف فاطمة – Kaf Fatma

العمل التقليدي ممكن يتحول لعمل غاية في الإبداع لو أنت عملته بطريقة غير تقليدية.. مجال زي الأثاث والمستلزمات المنزلية ده مجال زحمة جدًا، وخط السير فيه بقى تقليدي زيادة عن اللزوم، لكن مكان زي “كف فاطمة” لعب على وتر الإبداع بقوة، وهيفرجك أحلى كلام!

 

فير تريد إيجيبت – Fair Trade Egypt

بيقول لك اختيار الهدايا فن.. أُمال صناعة الهدايا بقى يبقى إيه! الناس دي مسكت سكة الهدايا وخلصتها من الأول للآخر رايح جاي، نقطة القوة الحقيقية في أنهم مدركين أوي عملية اختلاف الأذواق وقادرين يخدموها كلها بنفس الدرجة من الجودة والاحترافية.

 

كريتيف إيجيبت – Creative Egypt

المصمم مش مجرد صاحب صنعة بيقدم لك منتج، المصمم المفروض أنه صاحب فلسفة وفكر بيترجمهم في المنتج اللي بيطلعه أيًا كان هو إيه.. والناس في “كريتيف إيجيبت” فاهمين ده كويس، علشان كده دايمًا هتحس أن شغلهم حي وبينطق بقصص وحكايات، مش حاجة مالهاش روح..

ويا سلام بقى لما تبقى الحكايات مصرية 100%.

 

مكان إنتريورز – Makan Interiors

التصميمات البسيطة وفي نفس الوقت مليانة إبداع، هي اللي خلت مكان يكون على مستوى عالي، بالخدمات اللي بيقدمها.

 

كرافان سراي – Caravanserai

قدر ياخد مكانه ضمن الفائزين، بقدرته على توظيف التصميمات المودرن، في تصميمات مستوحاة من التراث.

 

بيت متة – Beit Matta

بيت متة في مول مصر، بيقدم مجموعة من مختلفة ومتنوعة من التصميمات والإكسسوارات، اللي بتناسب كل بيت.

 

ونروح لمنتجات الجمال اللي لازم تكون موجودة في كل بيت.

بلوم – Bloom

أول مكان من نوعه في مصر، بيقدم خدمات مختلفة، زي: منتجات العناية بالصحة والجمال – منتجات الأطفال – العنايةالطبية، وغيرها كتير.

 

بودي بيكس – Body Bakes

اسم جديد في عالم المتجات الصحية والطبيعية. بمنتجات خالية من كبريتات لوريث الصوديوم، اللي بتسبب حساسية وأمراض جلدية.

 

نفرتاري – Nefertari

كل منتجات الجمال والعناية بالبشرة موجودة في نفرتاري. وكلها من مواد طبيعية 100% ، وخالية من المواد الحافظة.