The Definitive Guide to Living in the Capital , Cairo , Egypt

الأكل المتخصص بيعتبر من أهم المنتجات اللي بنتعامل معاها في حياتنا اليومية، ومن الصعب نستغنى عنه. 

جوائز اختيارات المحررين لأفضل أماكن الأكل المتخصص لعام 2017:

إمتنان – Imtenan:

كل حاجة لها علاقة بالأكل الصحي والنظام الغذائي، هتلاقيها موجودة في امتنان. ومنتجاته الصحية 100%، هي اللي ضمنت له مكان جديد وسط الفائزين في الأكل المتخصص.

أبو عوف – Abu Auf

أبو عوف دايمًا مكانه محفوظ عندنا، بكل أنواع المكسرات اللي بيقدمها. والمنتجات المختلفة من الفواكه المجففة وحبوب القهوة.

 

فريش فود ماركت –   Fresh Food Market:

بمنتجاته المتميزة، وخدماته المناسبة للجمهور، فريش فوود ماركت بينافس بقوة، وسط منتجات الأكل المتخصص في القاهرة.

جورميه مصر – Gourmet Egypt:

لو أنت من هواة الطبخ أكيد هيبقى عندك فكرة عن جورميه مصر، ولو ما عندكش فكرة، جورميه مصر هو المكان اللي بيجمع أحسن وأجود المكونات اللي ممكن تستخدمها في الأكلات، ده غير أنه بيقدم مجموعة كبيرة من المنتجات الغذائية العالمية اللي مش موجودة في أي سوبر ماركت ثانية في مصر.

محلي – Ma7ali:

بفرعه في شارع 9 في المعادي، قدر محلي أنه يقدم مفهوم جديد ومختلف عن أماكن بيع البقالة والمنتجات الغذائية؛ لأن كل المنتجات عنده محلية الصنع وعضوية، ده غير أنه كمان بيبيع منتجات مش سهل تلاقيها في مصر زي “شتني” وهو غموس مبهّر مشهورة به الهند ودول آسيا، وشاي “الكومبوشا” الآسيوي.

وادي فوود – Wadi Food:

حتى من قبل ما يفتح فروع خاصه به، ووادي فوود محقق نجاح بجودة منتجاته الغذائية المتنوعة اللي طول عمرنا بنقابلها في كل سوبر ماركت بنروحها.

مزارع دينا – Dina Farms:

مزارع دينا اشتهر من زمان بمنتجاته الزراعية اللي جودتها بتختلف عن أي مكان ثاني، وحتى بعد ما فتح فروع خاصة به في المدينة وقدم لنا مجموعة أكبر من المنتجات الغذائية، قدر أنه يحقق نجاح بجودة منتجاته وأسعاره المناسبة.

هاوس أوف كوكوا – House of Cocoa:

المكان ده هو جنة محبي الشوكولاتة –وما أكثرهم– في مصر، غامقة، وفاتحة، ومسكرة أو حادقة… كل أنواع الشوكولاتة اللي تحلم بها، أو حتى ما كنتش تعرف أنها موجودة، هتلاقيها في هاوس أوف كوكوا.