The Definitive Guide to Living in the Capital , Cairo , Egypt

محلات بيع الورد منشترة في أنحاء القاهرة، علشان كده كان لازم ندور لكم على أفضل الأماكن دي.

جوائز اختيارات المحررين لأفضل أماكن بيع الورد لعام 2017:

بوكس أوف روزيز – Box of Roses:

المحل فيه تشكيلات جميلة ومبهرة، تناسب أذواق مختلفة. بالإضافة لعمل باقات ورد حسب اختيار العميل، ومساعدته في اختيار أفضل شكل لها.

ماي فلاور – May Flower:

لو عندك مناسبة زي فرح أو حفلة استقبال أو غيرهم، ماي فلاور هايخليك ماتشلش هم أي تصميم أو شكل انت عايز تنفذه. وهايقدملك الحاجة اللي تناسبك.

أوتسايد إن – OutSide In: 

بعد انتشار موضة الورد الصناعي اللي تقريبًا كان موجود على كل ترابيزة سفرة في بيت مصري في الثمانينات، وكل الأجيال الجديدة عندها فكرة سلبية عن الورد الصناعي، أوتسايد إن بـ يقدم مفهوم مختلف تمامًا بمجموعة كبيرة من الورود الصناعية المطابقة للحقيقية، وكمان معطرة.

فلاور باور – Flower Power:

من الأماكن اللي بـ تتعامل مع أكبر الفنادق الموجودة في مصر، وبالتالي أعمالهم على طول معروضة على الطبيعة في معظم حفلات ومناسبات القاهرة.

خضرة – Khadra:

مكان لمحبي هواية تنسيق الحدائق، لأنهم بـ يبيعوا كل ما يتعلق بالهواية دي؛ من أول الأشجار والأعشاب، حتى الفاكهة والخضروات. 

تاتش أوف فلاور – Touch of Flower:

مش مجرد مكان لبيع الزهور، المحل في الأساس بـ ينظم الحفلات بشكل كامل؛ من أول الزهور والإضاءة والديكورات وحتى الدي جي.