The Definitive Guide to Living in the Capital , Cairo , Egypt

رغم ان فيروس “كورونا” المستجد أثر علينا كلنا، وبنتمنى الفترة دي تنتهي بسرعة، لكن الحقيقة اللي ماحدش يقدر ينكرها، هي إن انتشار الفيروس في عالمنا رجعنا من تاني للمة البيت والعيلة والقعدة مع الأهل من جديد، وعلشان اللمة تحلى هنقول لكم في السطور الجاية على 6 ألعاب تقدروا تسلوا بيهم وقتكم وأنتم في البيت.

الطاولة

زمان كانوا بيقولوا عليها لعبة كبار السن، لكن دلوقتي هي لعبة منتشرة في كل القهاوي والكافيهات، وبما أن القهاوي والكافيهات قافلين، فأنتوا لو بتحبوها تقدروا تشتروها بسعر 110 جنيه من هنا.

الدومينوز

وهي اللعبة الشعبية الأولى في القهاوي، وبتتلعب عادية أو أمريكاني، وتقدروا تشتروها بسعر يبدأ من 70 جنيه من هنا.

بنك الحظ

لعبة الزمن الجميل، والبلاد العربية والمكافآت والغرامات، واللي كنا بنسهر أيام وليالي نلعبها، تقدروا تشتروها بسعر يبدأ من 30 جنيه من هنا.

الشطرنج

لعبة العظماء والتفكير، والدور اللي ممكن يخلص في دقيقة وممكن يستمر أيام، واللي كلنا بنحبها حتى لو مش بنلعبها، تقدروا تشتروها بسعر يبدأ من 50 جنيه منا هنا.

السلم والثعبان

مهما تطورنا وعدى بينا الزمن هتفضل طفولة الشعب المصري مرتبطة بلعبة السلم والثعبان، ومهما اتطورت ونزل منها تحديثات لكن هيفضل مبدأها ثابت مهما تطلعوا فيه ثعبان هينزلكم، تقدروا تشتروها بسعر يبدأ من 19 جنيه من هنا.

 الكوتشينة

تلعبوا شايب وتحكموا على الخسران، تلعبوا الكومي أو حتى كريزي إيت، براحتكم، المهم إنها اللعبة الوحيدة اللي في أي وقت هتسليكم، وتقدروا تشتروها بسعر يبدأ من 13 جنيه من هنا.