The Definitive Guide to Living in the Capital , Cairo , Egypt

تسوق

علشان ماحدش يضحك عليك.. 5 نصائح قبل ما تشتري سيارة مستعملة

أنواع العربيات سيارات مستعملة شراء سيارة مستعملة عربيات مستعملة نصائح قبل شراء سيارة مستعملة
علشان ماحدش يضحك عليك.. 5 نصائح قبل ما تشتري سيارة مستعملة
بواسطة
Mohamed Talaat

الفترة دي، وبسبب ظروف اقتصادية كتير من المصريين بيمروا بيها، أصبح فيه اتجاه لشراء السيارات المستعملة بدل الجديدة.. لكن العملية دي مش سهلة، وممكن تتعرض خلالها لعمليات نصب كتير.. علشان كده هنعرفكم على 5 نصائح مهمين جدًا هيساعدوك تشتري سيارة مستعملة من غير ما حد يضحك عليك.

جمع المعلومات السليمة

مهم إن كل شخص بيفكر يشتري سيارة مستعملة يجمع معلومات سليمة عن نوع العربية اللي عاوز يشتريها، زي متوسط السعر لكل حالة، والمحركات المتوفرة للسيارة، ومميزات السيارة وعيوبها، ويعرف كويس مدى سهولة بيعها بعد كده لو فكر يغيرها في المستقبل.

الاستعانة بخبير

من المهم جدًا الاستعانة بخبراء قبل شراء أي عربية، لإنك ممكن تنخذع بالطلاء والحالة الخارجية للعربية بينما بتكون فيها مشاكل كتير متدارية، هنا بيقوم الخبير بفحص العربية بدقة بغض النظر عن الشكل والحالة الخارجية.

جدول الصيانة

سجلات الصيانة الدورية بتعتبر مؤشر مهم بيبين مدى جودة أو سوء العناية بالسيارة المستعملة. ومهم الوضع في الاعتبار التكلفة اللي مستنية العربية مع عملية الصيانة الدورية الجاية.

المسافة المقطوعة

مهم يتم فحص المسافة المقطوعة بالعربية، ومقارنتها مع سنة الصنع؛ لإن العربيات بتقطع في المتوسط ١٥ إلى ٢٠ ألف كيلومتر في السنة الواحدة.

التأكد من صحة الأوراق

لازم تتأكد من الحالة القانونية لأوراق العربية ومالكها، كمان مهم الكشف عن العربية للتأكد من عدم تعرضها لحادث في وقت سابق ممكن يكون اتسبب في أضرار تمت معالجتها.

مقترح