The Definitive Guide to Living in the Capital , Cairo , Egypt

 لو عندك حاجة قديمة في البيت، هتقدر إنك تبيعها وتاخد مقابلها فلوس، علشان فيه مجموعة شباب مهتم بإعادة تدوير الخردة، عملوا موقع مخصوص من خلاله هتقدر تبيع أي حاجة من خلاله، الموقع ده هو خردة تك.

الجميل إن الموقع بيبعت مندوب لحد بيتك يشتري كراكيبك القديمة بسعر معقول، وهم اللي بينقلوا الحاجة بنفسهم ويسلموك الفلوس فورًا.

الموقع تقدر تبيع فيه أجهزة كهربائية، مخلفات إلكترونية، لعب الأطفال، ورق، بلاستيك، وأي حاجة مش محتاجها، لأن كل حاجة بيتعمل لها إعادة تدوير وبتستخدم في صناعات كتير بأفكار مختلفة تخدم الإقتصاد المصري.

 

 

 

شعار الموقع أنه “بدل ماترمى الخردة ومتعملش بيها حاجة إحنا هنخدها وهنكسبك فيها”، وفكرته “إعادة تدوير لخردتك والاستفادة بها للمساهمة في الحفاظ الكامل علي البيئة“، وكمان هما بيضمنوا “الأمان – سهولة التواصل – فريق عمل مدرب ومحترف”.

وعلشان تقدر تبيع أي منتج بتدخل على موقعهم من هنا وبعدين هتختار نوع الخردة اللي هتبيعها إيه.

 

 

بعد كده هيتحدد السعر حسب النوع، ولكن يشترط الموقع أن لايقل سعر المنتجات عن 50 جنيه، وبعد كده بيتم إضافة تفاصيل الاتصال والعنوان.

 

 

 

وبتظهر فاتورة تفصيلية كاملة بكل التفاصيل الخاصة بيك وبعدها بيتم الضغط على أطلب الآن لتنفيذ طلبك.