لكل أب وأم: أماكن بيع لعب تعليمية للأطفال في القاهرة
Angie El Batrawy
اللعَب مهمة جدًا في حياة الأطفال، غير أنها بتطور حواسهم زي النظر واللمس، بألوانها وأشكالها الجذابة. وكمان بتنمي مهاراتهم وذكائهم وقدرتهم على التفاعل، وعضلاتهم من خلال الحركة. اللعب مهم زيه زي الأكل والشرب والنوم للطفل، ده غير أنه بيتعلم يبقى اجتماعي لما يشارك لعبه مع غيره من الأطفال.
ولأن فيه شركات كتيرة قدرت تدمج بين التعليم والترفيه، جمعنا لكم أماكن بتقدم ألعاب تعليمية في القاهرة ممكن من خلالها يتعلم الطفل الألوان والحروف والأرقام وحاجات تانية كتيرة خاصة في مرحلة ما قبل المدرسة، وكلها آمنة في استخدامها وأغلبها بيكون من الخشب:
من أقدم محلات لعب الأطفال التعليمية، اللى إحنا شخصيًا مرتبطين باللوجو بتاعها من وإحنا صغيرين. اتأسست سنة 1987، وكانت الشركة الوحيدة من نوعها وقتها على مستوى الشرق الأوسط. هي ماركة عالمية، ومش بس بيعملوا لعب من الخشب، ده كمان أثاث من الخشب لمرحلة ما قبل المدرسة بجودة عالية جدًا، مصنعهم على مساحة 15 ألف متر مربع وده أكبر مصنع من نوعه في العالم العربي، ممكن تعرفوا أكتر من خلال موقعهم على الإنترنت.
الألعاب مصنوعة بمواصفات الجودة الأوربية CE، علشان تضمن للطفل ساعات لعب تزيد من إدراكه ومعلوماته، والأب والأم هيبقوا متطمنين لأن مافيهاش أى ألوان صناعية أو احتمالية أن الطفل يبلع أى جزء ممكن يتسبب في اختناقه. من الألعاب اللطيفة عندهم مربع خشبي عليه كذا شكل هندسي (مربع، مستطيل، مثلث، إلخ) علشان الطفل يحط كل شكل في الفراغ اللى شبهه وبألوان مبهجة.
Edu fun لهم فروع في شارع مصدق بالمهندسين، و6 أكتوبر، والمعادي، والإسكندرية، والإسماعيلية، تابعوا صفحة الفيسبوك علشان كل فترة بيعملوا عروض وتخفيضات آخرها كان خصم 50% على الألعاب.
شركة حديثة نسبيًا في مجال لعب الأطفال، بدأوا في 2015، وبرضه بيقدموا لعب أطفال من الخشب وملونة ألوان جميلة جدًا. فيه منها لعب لتعليم الحروف الأبجدية والأرقام والأشكال الهندسية وفيه لأشكال الحيوانات. وفيه كمان لعب قليلة جدًا Soft Toys ولعب بلاستيك بتطلع مزيكا، وغير اللعب بيبيعوا أرضيات الفوم اللى بتتحط في الحضانات.
للأسف نظرًا لعدم ثبات سعر صرف الدولار هما مش مثبتين أسعار على الصور في صفحتهم على الفيسبوك، فلازم تبعت لهم رسالة على الصفحة تستفسر عن سعر اللعبة اللي حابب تجيبها لابنك أو بنتك.
شركة متخصصة في لعب الأطفال التعليمية المصنوعة برضه من الخشب، وأثاث الأطفال. وكمان الجديد كتب التلوين والكتب التعليمية، اللى بتعلم الحروف العربي والإنجليزي والأرقام والحساب.
لعب الأطفال بتتنوع بين بالبازل اللي بيعلمهم أجزاء من جسم الإنسان، وبرضه الأرقام والحروف أو لعب عادية زي العرايس. والأحلى لعب المونتسورى اللي بتعد أفضل أساليب التعليم الحديثة للأطفال. أما الأثاث فبيتنوع بين مكاتب مذاكرة الأطفال، أو ترابيزات وكراسي الحضانات، أو مكتبات صغيرة.
على عكس باقي الأماكن اللى في الدليل ده، لعب الأطفال هنا مش من الخشب. هي لعب عادية من البلاستيك، زي اللى بتتباع في محلات لعب الأطفال، بس بجودة عالية وخامة نظيفة. VTech متخصص في المنتجات التعليمية الإلكترونية من سنة 1976، اللي بتساعد الأطفال يستمتعوا من خلال لعبهم التعليمية.
منتجاتهم متاحة في 16 محل منها Toys R Us وZero 2 Five وToy & Joy وLovely وغيرها. وفي محلين في إسكندرية هما Kit Kids وNew Born إلى جانب صفحتهم على الفيسبوك.
موجودين في المجال من سنة 2010. بيقدموا منتجات مصنوعة في مصر والولايات المتحدة وألمانيا، إيطاليا. إلى جانب ماركات عالمية للعب الأطفال. ومش مقتصرة على الأطفال بس، فيه كمان لعب للكبار.
فيه لعب بلبس تنكرى زي بدلة الطباخ أو الدكتور، وشنط ظهر وعربيات وقطارات ولعب فنية. وكلها بخامات وألوان آمنة. وكمان بورد السباحة والمكعبات وتعليم الحروف والأرقام برضه. ممكن تطلب منتجاتهم من خلال صفحة الفيسبوك وهتوصلك اللعبة أو الطلب خلال من 2 إلى 7 أيام والدفع عند الاستلام (سعر اللعبة + قيمة شركة الشحن).
لأي استفسارات ممكن تتصلوا بـ 01011188014، مواعيد العمل من الأحد إلى الخميس من 10 صباحًا إلى 5 عصرًا، ويوم السبت من 12 ظهرًا إلى 2 ظهرًا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
