سيكو Sico.. أول موبايل صناعة مصرية يوصل لأوروبا
SICO Infinity Max SICO Nile X أسيوط أوروبا سيكو صنع في مصر مصر موبايل مصري
Mohamed Talaat
شركة الموبايلات المصرية “Sico” أعلنت إنها بدأت خطوات حقيقية في اتجاه تصدير أول تلفون محمول “موبايل” مصري لأوروبا خلال شهر نوفمبر الحالي، وكانت أول خطوة توقيع اتفاقية رسمية مع وكيل أجنبي في بعض دول الاتحاد الأوروبي.
مصنع “سيكو” في أسيوط هيبدأ خطة التصدير في البداية لدول “ألمانيا وهولندا والنمسا” وهتشمل بعد كده وصول أول موبايل مصري للسويد والنرويج وفنلندا وبنفس اسم العلامة التجارية “سيكو”، وهيكون أول موديل هيتم تصديره لألمانيا باسم “إنفينتي ماكس – Infinity Max” وده بعد نجاحه في السعودية والكويت والإمارات وسلطنة عُمان.
الطاقة الإنتاجية للمصنع بتوصل لحوالي 2 مليون جهاز سنويًا، ومنتجات المصنع كانت وصلت فعلًا لأفريقيا عن طريق “كوت ديفوار” كبداية، وبكده وصل إجمالي اللي تم تصديره من الإنتاج 25%، لكن الشركة بتسعى إنها تصدر 50% من انتاجها خلال السنة دي.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
