The Definitive Guide to Living in the Capital , Cairo , Egypt

تسوق

معلومات مهمة لازم تعرفها عن الـ Power Bank.. وأهم أنواعه

Power Bank باور بانك شاومي شحن نصائح لشراء الباور بانك هواتف
معلومات مهمة لازم تعرفها عن الـ Power Bank.. وأهم أنواعه
بواسطة
Mohamed Talaat

قررت أشتري Power Bank، علشان موبايلي من كتر النت والتصوير لريفيوهات كايرو 360، بقى بيفصل تقريبًا خلال أقل من 10 ساعات، وكان أفضل حاجة بالنسبة ليا 20 ألف أمبير، علشان أشحن براحتي ما أنا هشحن 5 مرات بقى بيه، وعاش يا وحش، لكن اتصدمت لما اتكلمت مع متخصصين إن الكلام ده مش صحيح وإني مش هاخد حتى 4 شحنات بالـ20 ألف دول، وعلشان كده قررت أنقل لكم تجربتي علشان تعرفوا تفاصيل أكتر عن الموضوع ده.

أولًا أشهر 5 أنواع للباور بانك في مصر هي Anker ،Aukey ،RavPower ،Tronsmart ،Xiaomi”، وكل نوع من دول بيدي تارجت طاقة محدد لا يتعدى 70% من حجمه نهائيًا، طيب من غير ما نعقدكم بمصطلحات وتفاصيل ده لأن معظم الشركات إن لم يكن كلها في الشرق الأوسط بتستخدم نوع بطارية اسمه « Lithium-Polymer Batteries»، وهي دي اللي هتلقاها في أي باور بنك محترم زي الأنواع اللي فوق دول، وبتدي مرونة أكتر، ولو اتركنت عمرها الافتراضي مش بيقل.

طيب إحنا اشترينا باور بانك 20 ألف، علشان نشحن 5 مرات، وأحد المتخصصين قال لنا لأ 4 بس، قلنا زي بعضه، ولكن السؤال، ليه 4 مش 5، طيب هو مش أصلي، طيب إيه القصة؟، وبدأنا ندور على الحقيقة فين، لحد ما عرفنا ان أي باور بانك الطاقة اللي جواه بتبقى متخزنة على 3.7 فولت، والمخرج بتاعه بيكون 5.1 فولت، وهنا بقى فيه فرق 1.2 فولت هما العجز في الأمبير وعدد مرات الشحن.

مش بس كده، لا ده كمان نوع الكابل المستخدم في الشحن بيفرق، وطبعًا بلاش تستخدم اللي بييجي مع الباور بانك لأنه رديء، ويفضل يكون معاك كيبل أصلي للجهاز.

زي ما قلنا فوق أن الباور بانك بيكون 20 ألف فلما نضربهم في 3.7 فولت اللي هو المدخل، هيدينا 74000 أمبير، وبما أن المخرج 5 فولت فهنقسم الـ74 ألف على 5 فولت فهيبقى الناتج 14800 Mah ، ودي بقى سعة الباور بانك، ولكن لسه شوية، فيه فاقد الطاقة لسة ماتحسبش، لأن خلال التحويل من 3.7 إلى 5 فولت لازم يبقى فيه هادر، وده بيكون بمتوسط 7%، يعني عندنا 97% اللي مضطرين نضرب فيها 14800 أمبير، وبالتالي هيطلع لنا الناتج 13764 Mah ودي بقى القدرة الحقيقية للباور بانك، ولو انت بطاريتك زينا 4000 أمبير هيبقى آخرك في الشحن 3.4 شحنات من 0 إلى 100%، وده لو أنت ماستخدمتش الموبايل أثناء عملية الشحن، ودا لا يمكن يحصل أبدًا.

طيب هي ايه أسعار الباور بانك المميزة اللي قلنا عليها فوق، وإيه اللي نشتريه منهم؟ 

إحنا في كايرو 360 اتكلمنا مع متخصصين وبنقولك اشتري باور بانك “شاومي”، علشان هو كويس جدًا، وسعره رخيص، فقط650 جنيه.

مافيش فرق بين شاومي وأنكر اللي هو أعلى فئة غير 3% زيادة شحن، يعني هيديك 3.6 شحنة، بس الأنكر سعره 1800 جنيه، يعني تقريبًا ضعف السعر، بجودة أعلى حاجة بسيطة.

أما سعر باور بانك Tronsmart فتقريبًا 900 جنيه أعلى سعر ومش موجود كتير، وفيه RavPower، وده سعره التقريبي 1250 جنيه، وأخيرًا Aukey وده الـ10 آلاف أمبير منه سعره 1000 جنيه.

نصيحة كايرو 360:

اشتري من التوكيل أو موزع معتمد وبلاش محلات

مقترح