The Definitive Guide to Living in the Capital , Cairo , Egypt

تسوق

هتشتري كلب من محلات القاهرة؟.. النصائح دي علشانك

تسوق حيوانات أليفة كلاب محلات القاهرة
هتشتري كلب من محلات القاهرة؟.. النصائح دي علشانك
بواسطة
Omar Abd-elmaqsoud

أكيد في حياة كل واحد فينا حيوان أليف ليه مكانة في قلوبنا، سواء الحيوان ده معانا في البيت أو مع صديق أو قريب لينا، وأكيد اللي هيبقى دايمًا قريبة مننا وبنحبها من النظرة الأولى دايمًا هي “الكلاب” بأنواعها المختلفة.

النهارده هنقولك شوية نصائح لو قررت تدخل “كلب” في حياتك، علشان تبعد عن أي مشاكل صحية ممكن تأثر على حياة الكلب معاك، وهتوفرلك كتير من وقتك وجهدك وفلوسك اللي ممكن تصرفها على العيادات البيطرية.. تعالى نشوف إيه النصائح دي:

– وانت بتشتري أو بتتبنى كلب، دور على محلات أو ملاجئ مشهورة بسمعتها الكويسة والناس بتشكر فيها، علشان تضمن إن الكلب واخد الرعاية الصحية الكاملة، وإنه من السلالة النظيفة، ومافيش فيه أي أمراض معدية.

– قبل أو أثناء شرائك أو تبنيك للكلب، حاول تعرضه على دكتور بيطري يفحصه فحص طبى شامل، ويديله التطعيم الدورى بتاعه، وده مهم علشان تحافظ على صحتك وصحة أولادك.

– اسأل عن الأكلات اللي المفروض الكلب ياكلها في كل مرحلة عمرية معينة، وده لإن كل سن وليه أكل معين، ومخالفة الأكل ده بيتسبب فى مشاكل صحية كتيرة، أولها اضطرابات الجهاز الهضمى.

– بلاش تشترى كلب من محلات الحيوانات الأليفة، أو من على مواقع الإنترنت والسوشال ميديا مباشرةً، وده علشان ماتوقعش فى فخ النصب، لإن بكل بساطة ممكن يبيعلك كلب مصاب بأمراض معدية، وزي ما قولنا قبل كده، لو اضطريت تشتري من محل، يبقى محل مشهور.

– حدد مكان إقامة الكلب في البيت من أول يوم، وخله دايمًا نظيف على قدر المستطاع،  وحاول تطهره من وقت للتاني، ده غير الاهتمام كمان بنظافة الكلب نفسه، ومهم جدًا تتمشي بيه فى الأماكن العامة، أو في الشارع علشان مايجيلوش اكتئاب.

مقترح