هتوصلك لحد البيت.. أهم أماكن بيع حلاوة المولد في القاهرة (بالأسعار)
أبو عوف أسعار أسعار حلاوة المولد 2020 أفضل محلات حلاوة المولد المولد النبوي 2020 تسيباس حلاوة زادنا علب لابوار
Mohamed Talaat
حلاوة المولد النبوي الشريف عادة مصرية أصيلة، وطبعًا زي ما إحنا متعودين، كل سنة بيكون فيه أشكال وأصناف كتير، علشان كده فريق كايرو 360 هيقدملكم الدليل الشامل لأنواع وأسعار حلاوة المولد لسنة 2020 في مجموعة محلات مختلفة ومهمة في العاصمة، علشان نوفر عليكم التعب والمجهود.. وبننصحكم تشتروا كل اللي محتاجينه عن طريق خدمة التوصيل بهدف تجنب الزحام وحماية أنفسكم من فيروس “كورونا” المستجد.
لكن لو حابين تنزلوا بنفسكم، يبقى تجنبوا لمس الجدران، وابعدوا عن الزحمة قدر الإمكان، والبسوا كمامة، وطهروا إيديكم بالكحول طول الوقت.
تعالوا نعرف أسعار حلاوة المولد في أهم محلات القاهرة:
زادنا
له عدة فروع في القاهرة، وهو من أجود محلات الحلويات، وعندهم علب مختلفة لحلاوة المولد زي علبة الخير 1 اللي فيها 10 قطع وسعرها 60 جنيه، والخير 2 اللي فيها 13 قطعة بـ80 جنيه، وزادنا 1 اللي فيها 19 قطعة بـ125 جنيه، وزادنا 2 وفيها 27 قطعة 235 جنيه، وزادنا 3 وفيها 33 قطعة بـ390 جنيه.
كمان عندهم علب زادنا 4 اللي مكونة من 47 قطعة بـ495 جنيه، وزادنا علبة معدنية صغيرة 25 قطعة بـ285 جنيه، وزادنا علبة معدنية مخصوص كبيرة 25 قطعة بـ340 جنيه.
رقم التليفون: 01011755225
صفحة الفيسبوك من هنا.
تسيباس
السنة دي تسيباس عامل علب مشكلة مختلفة وتبدأ من 40 جنيه للعلبة 8 صنف، و90 جنيه لـ14 صنف، و150 جنيه لـ18 صنف، ده كمان غير العلب المميزة اللوكس اللي الصغير منها بـ200 جنيه، والحجم الوسط بـ280 جنيه والكبيرة بـ350 جنيه.
وكمان عاملين علب فاخرة الصغيرة بـ470 جنيه، وفاخر وسط بـ650 جنيه، وفاخر كبير بـ1050 جنيه، وكمان عندهم علبة حلاوة معسلة بـ220 جنيه، وعلبة مولد كاندي بـ40 جنيه.
رقم التليفون: 19918
صفحة الفيسبوك من هنا.
أبو عوف
من الأماكن اللي معروف عنها بيع منتجات صحية وغذائية متكاملة، والسنة دي هما عاملين علب حلاوة المولد 30 قطعه بسعر 90جنيه، 33 قطعه بـ 175 جنيه، 40 قطعه بسعر 320 جنيه، وكمان عندهم الفاخر 30 قطعة بسعر 400 جنيه و40 قطعة بـ 500 جنيه، و51 قطعة بسعر 700 جنيه.
ده غير الفئات المخصوص زي باسكت المولد 51 قطعة وسعره 750 جنيه، وعلبه مولد ميني 51 قطعة بسعر 1000 جنيه، وعلبه مولد لارج 102 قطعة بسعر 2000 جنيه.
رقم التليفون: 19969
صفحة الفيسبوك من هنا.
لابوار
زي كل سنة لابوار بيقدم تشكيلة مختلفة من أجود أنواع حلويات المولد، وعندهم علبة ميني فيها 15 قطعة وسعرها 220 جنيه، وعلبة وسط كرتون 38 قطعة بـ400 جنيه، وعلبة وسط معدن 38 قطعة بـ450 جنيه، وعلبة كبيرة جامبو 47 قطعة بـ540 جنيه.
أما العلبة الجامبو ففيها 69 قطعة وسعرها 750 جنيه، وعلبة هدايا كرتون 41 قطعة بـ1000 جنيه، وصندوق مجوهرات وسط بـ1500 جنيه، وصندوق مجوهرات كبير بـ200 جنيه.
رقم التليفون: 19515
صفحة الفيسبوك من هنا.
العبد
السنة دي عندهم 8 علب حلاوة مولد بأحجام ومكونات مختلفة،علبة مولد فيها 11 قطعة ميني سعرها 50 جنيه، علبة 16 قطعة ميني بـ78 جنيه، 19 قطعة ميني بـ120 جنيه، علبة 23 قطعة ميني بـ185 جنيه، علبة 28 قطعة ميني بـ245 جنيه، علبة 32 قطعة ميني بـ340 جنيه، علبة 38 قطعة ميني بـ440 جنيه.
وكمان عندهم علبة مولد بايتس 6 قطع سعرها 155 جنيه، وعلبة هدايا أزرق 48 قطعة بـ550 جنيه، وعلبة هدايا نبيتي 23 قطعة بـ750 جنيه، علبة هدايا فضي 24 قطعة بـ900 جنيه، علبة هدايا أخضر 28 قطعة سعرها 940 جنيه، علبة صفيح عروسة صغيرة 42 قطعة ميني بسعر 500 جنيه، وعلبة صفيح عروسة كبيرة 23 قطعة بسعر 750 جنيه.
رقم التليفون: 16437
صفحة الفيسبوك من هنا.
ماندرين قويدر
السنة دي عندهم 6 أنواع علب مشكلة الـ17 قطعة سعرها 95 جنيه، و27 قطعة بـ155 جنيه، و42 قطعة بـ280 جنيه، و49 قطعة بـ375 جنيه، وده غير علبة العروسة الـ68 قطعة وسعرها 595 جنيه، والعروسة اللوكس 84 قطعة بسعر 795 جنيه.
رقم التليفون: 01288883638
صفحة الفيسبوك من هنا.
كل سنة وأنتم بكل خير يا أهل القاهرة!
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
