هدية للحبايب.. أفضل أماكن وتطبيقات تشتروا منهم بوكيهات ورد في القاهرة
أفضل أماكن بيع الوردود أماكن شراء ورد بوكيهات ورد أونلاين تطبيقات لشراء الورد شراء الورد في مصرر ورد طبيعي أونلاين
Cairo 360
رنا شرف
عشاق الورود، الناس الحالمة الحساسة، اللي بيهتموا بالتفاصيل، واللي الورد بأنواعه وأشكاله المختلفة شيء أساسي ومهم في حياتهم، وبيكون هو اختيارهم الأول كهدية مميزة للحبايب.
تعالوا نتعرف على تطبيقات وأماكن في القاهرة بتوفر بوكيهات ورد مميزة ومختلفة ومصنوعة بطريفة فنية.
بوكيهات فنية من Sally Helmy
من الأماكن المميزة في القاهرة اللي بتقدم بوكيهات ورد معمولة بفن عالي، ورغم إن الأسعار ممكن تكون عالية شوية بالنسبة لبعض الناس، لكن فعلًا البوكيهات عظيمة، وهتكون هدية مختلفة جدًا.
أسعار البوكيهات بتبدأ من 800 جنيه، وممكن توصل لأكثر من 3000 جنيه.
المكان بيوفر خدمة طلب البوكيهات أونلاين من هنا.
وممكن كمان تروحوا تشتروا من المكان نفسه في شارع التسعين الشمالي، التجمع الخامس، داخل اتش سي سي، مدينة الرعاية الصحية.
أجمل ورد في Daisy flower
المكان ده مختلف بجد. ونقدر نقول ان البوكيهات عنده مش هتلاقيها في أي مكان تاني في القاهرة! والمكان بيوفر ورد خاص للمناسبات، يعني فرح أو عيد ميلاد أو حتى بوكيهات مخصوص لعيد الحب.
الأسعار بتبدأ من 800 جنيه، وممكن تشتروا البوكيهات أونلاين من هنا.
أو ممكن تشتروا من مقرهم في التجمع الخامس، شارع التسعين الجنوبي، في مول هدية.
بوكيه.. أبلكيشن لشراء الورد في القاهرة
وفيه كمان تطبيق مهم اسمه “بوكيه” تقدر تحمله وتطلب منه أي بوكيه ورد نفسك فيه ويوصل لك لحد باب البيت.
التطبيق أقرب لكشك ورد بس أونلاين! وهتلاقي عندهم أشكال عظيمة ومبهجة من بوكيهات الورد بكل الأحجام والأشكال.
تقدروا تحملوا تطبيق بوكيه من هنا.
أحلى الورد من أبلكيشن فلاورد
فيه تطبيق تاني مميز جدًا وهو “فلاورد”، اللي بيقدم باقة كبيرة من الاختيارات، وأكيد هتلاقي عليه بوكيه ورد مميز يعجبك وهيكون أجمل هدية للناس اللي بتحبهم.
لتحميل التطبيق اضغطوا هنا.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
