كنافة بالموز وبسبوسة نسكافيه وأكتر.. 7 أماكن في القاهرة عندهم أجمد حلويات رمضان
sale sucre أفضل محلات الحلويات في مصر أماكن بيع حلويات رمضان في القاهرة بسبوسة بلح الشام تسيباس حلو رمضان سيموندس صنف قطايف قويدر كنفاة لابوار مانجو محلات حلويات في القاهرة مكسرات
Mohamed Talaat
رمضان كريم يا أهل القاهرة! وفي شهر الخير زي ما بنهتم بالإفطار، بنهتم كمان بالحلو، وده علشان القعدة ماتحلاش من غير القطايف والكنافة والبسبوسة والذي منه. وعلشان إحنا عارفين إن كتير من المصريين بيعشقوا الحلويات في رمضان، هنعرفكم على أهم 5 محلات حلو السنة دي، علشان تختاروا اللي بتحبوه من حلويات رمضان.
لابوار
السنة دي عامل ستيكي طوفي بالتمر وهو عبارة عن بسبوسة وبلح ولوز متغرقين في الكراميل، وسعرها 320 جنيه، وكمان عاملين لوتس تشيز كيك سولتيد كراميل، ودي سعرها 385 جنيه، وقشطالية فستق سعرها 330 جنيه، ويفضل تتصلوا بيهم قبل ما تروحوا علشان تحجزوا من أقرب فرع لكم لو مش هتطلبوا دليفري.
رقم التوصيل: 19515.
صفحة فيسبوك.
تسيباس
رمضان مع تسيباس أحلى، لأنهم عملوا مكسات جامدة السنة دي، زي بايركس تري ليتشي وبايركس فراولة وفستق واللي سعرهم 240 جنيه، وده غير البسبوسة اللي بأطعمة محتلفة زي الفستق واللوتس والتشيز كيك وسعرهم 230 جنيه وبسبوسة نسكافيه بسعر 260 جنيه، ومنتجات أكتر.
رقم التليفون: 19918.
صفحة فيسبوك.
سيموندس
بيقدم منتجات كتيرة السنة دي، زي: تورتة كنافة بأطعمة مختلفة – بولة وكب كنافة – قطايف مكسرات. وماتنسوش أن أحلى أساور وكريمة في مصر هتلاقوها عندهم.
رقم التليفون: 16264.
صفحة فيسبوك.
عبد الرحيم قويدر
لما بنفكر في الحلو الشرقي، يبقى مفيش أطعم وأحلى من عبد الرحيم قويدر، بحلوياته الشرقية المميزة. وفي رمضان 2022 هتلاقوا عندهم كنافة بالموز وسعرها 160 جنيه، وكنافة عروسة البحر بسعر 180 جنيه، ده غير القطايف المقرمشة، والكنافة بالمانجو، وكل أنواع الحلويات الشرقية. وماتنسوش تطلبوا ملبن بالقشطة.
رقم التليفون: 01206665599.
صفحة فيسبوك.
Sale Sucre
تخيل بقى إن أحلى حاجة عنده السنة دي بروفيترول كنافة باللوتس وسعرها 250 جنيه، وبلح الشام بالنوتيلا واللوتس، اللي سعره 250 جنيه، وإحنا مش هنلخبطك ونقولك على كذا حاجة، لكن تقدروا تعرفوا أكتر عن منتجات رمضان من خلال صفحتهم.
رقم التليفون: 19632.
صفحة فيسبوك.
Pistachio
من الأماكن المميزة في الحلويات والسنة دي عاملين كنافة بأكتر من طعم زي التمر والتشيز كيك والفراولة وكريمة الفستق، وكنافة مدلوقة والأسعار بتبدأ من 192 جنيه.
موقعهم من هنا.
Celesta Chocolatier
من أفضل الأماكن اللي بتقدم حلويات رمضان في منطقة مصر الجديدة، وعندهم فورمة البسبوسة سعرها 180 جنيه، وكمان عاملين كنافة تشيز كيك باللوتس سعرها 320 جنيه، وكيكة كنافة بالفستق والكريمة بسعر 350 جنيه.
صفحة فيسبوك.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
