The Definitive Guide to Living in the Capital , Cairo , Egypt

بعد ما أعلنت الهيئة الوطنية للإعلام مؤخراً، عن إن قنوات التليفزيون المصري هتنقل مباريات بطولة “كأس الأمم الإفريقية 2019” الللي هتقام على أرض مصر، بعد ما فزنا بتنظيم البطولة، بقى الإقبال على شراء “إريال” التليفزيون الأرضي تاريخي يا أفندم!!

وعلشان تقدر تتفرج على المباريات لازم تشتري “إريال” التليفزيون الأرضي من محلات الأدوات الكهربائية المنشترة في القاهرة، خصوصًا في الشارع المؤيدي لميدان باب اللوق في وسط القاهرة، وهناك هتلاقي أسعار الإريال رخيصة جدًا، بتتوافر ما بين 30 لـ 65 جنيه، على حسب نوعه وجودته.

وبخصوص نفس الموضوع، بعد إعلان الهيئة الوطنية للإعلام بث المباريات على التلفزيون الأرضي، ترتب على ده إن “ماسبيرو” هو اللي هيكون مسؤول عن البث والشارة والإنتاج للصورة التليفزيونية عالية الجودة (HD) ، والتعهد بضمان وصول شارة البث والصورة التليفزيونية لكل القنوات صاحبة الحقوق التليفزيونية اللي تعاقد معها “الاتحاد الإفريقي” لنقل مباريات البطولة.

وبناءً عليه، أكدت مصادر في الهيئة الوطنية للإعلام، إنها حطت قائمة أولية فعلًا بالمقترحات والاستعدادات الخاصة للبث، وتضمنت المقترحات دي تخصيص 4 عربيات بث مباشر بنظام HD، كل عربية مجهزة بـ 15 كاميرا (HD) هتتوزع في أرض الملعب اللي هيتنقل منه أي مبارة.