The Definitive Guide to Living in the Capital , Cairo , Egypt

هو برنامج كوميدي بيناقش أبرز وأهم القضايا السعودية بشكل ساخر جدًا، وبدر ممكن نعتبره ممثل هايل، بيختار القضاية ويعالجها بطريقة مسرحية تجذب المشاهدين، وبيستضيف في كل حلقة نجم مشهور أو شخصية عامة معروفة.

وبيعتمد بدر في برنامجه على استعراض أهم الأخبار والتعليقات والقضايا المتداولة على مواقع التواصل الاجتماعي، وبتتضمن الحلقة مجموعة من الألعاب التفاعلية اللي بيطلب صالح من الضيف مشاركته فيها.. ومع أن فكرة الألعاب مش جديدة لكن بدر قادر يعمل روح للبرنامج، ويخليه مهتم بطبقات كتيرة، من الكبار والشباب.

لأنه بيفتح الباب قدام المواهب السعودية الشابة لإبراز اللي بتتميز بيه، وده طبعًا من خلال تسليطه الضوء على نشاطاتهم وموهبتهم.. صراحة محتاجين حاجة أكبر تهتم بكل مواهب الشباب في الوطن العربي ومش كده وبس، لكن كمان تنميها وتهتم بيها وتوفر لها الطريق علشان تشتهر وتبقى معروفة وبتنتج كمان. يعني الفكرة مش أن البرنامج بس بيعرض مواهب، ولا كمان إنه يركز على المواهب السعودية بس، البرنامج لازم يكون مهتم بشريحة كبيرة من الناس، نقصد شريحة على مستوى الدول، آه الكرة حلوة أنك تعمل برنامج بيهتم بالبرامج السعودية والقضايا اللي فيها والشباب اللي هناك، بس ده تعمله لو كنت قناة محلية، أما لو كنت قناة كل الناس بتشوفها زى مجموعة MBC، يبقى لازم تخلي بالك من ده كويس وتعمل برنامج لكل الناس وبيخدم كل الدول، أو بيخدم شريحة كبيرة من الشباب الموهوب مثلًا في الدول العربية.

البرنامج إنتاجه متوسط مش ضخم، وزوايا التصوير فيه جديدة وكمان المخرج بيتعب معاه علشان هو فيه تقطيع كتير وفقرات كتير زى لقاء الضيف والألعاب زي نعم ولا، وفكرة الدبلجة اللي بيعملها للكارتون، وكمان العرايس الماريونت اللي بيجبها والتفاعل مع مواقع التواصل الاجتماعي وغيرها.

لو حبينا نتكلم عن بدر صالح فهو واحد من المواهب السعودية الشابة، اللي حصلت على شهرتها من خلال برامجه الساخرة على موقع يوتيوب،  وبرنامجه "إيش إللي" أخد شهرة واسعة، وحصل على نسبة مشاهدة عالية في السعودية ودول الخليج العربي.. وطبعًا زي ما إحنا عارفين الفترة دي، عملت برنامج على اليوتيوب وسمع فده في الغالب معناه أنك هتروح تعمل برنامج في أي قناة فضائية، لأن نسبة المشاهدة بتبقى مضمونة، لكن ساعات بينجحوا وساعات بيطلع برنامج عادي أو حتى ملوش لازمة، وده طبعًا موضوع محتاج خبراء في الإعلام علشان يحللوه ويعرفونا النتيجة، عمومًا برنامج بدر صالح لحد دلوقتي عامل نسب مشاهدة حلوة برضه ومهتم باللي بيقدمه وواضح أن فيه فريق عمل حلو كمان معاه، جربوه واتفرجوا.