بالأرقام: أجور نجوم مسلسلات رمضان 2017
Hager Eissa
من الأسئلة اللي دايمًا بتشغل بال ناس كتير مع دخول شهر رمضان وانطلاق إعلانات المسلسلات يا ترى إيه الأجر اللي حصل عليه نجوم المسلسلات مقابل بطولة الأعمال الرمضانية؟ كايرو 360 تواصلت مع شركات إنتاج ومصادر خاصة عشان تجيب لكم الأرقام الأكيدة لأجور أهم نجوم رمضان السنة دي.. جاهزين تعرفوها؟
عادل إمام
حصل الفنان عادل إمام علي مبلغ 45 مليون جنيه مصري عن دوره في مسلسل “عفاريت عدلي علام” اللي بتدور أحداثه عن شخص بيحب الكتابة، وبيهاجم الحكومة بمقالات تحت اسم مستعار.
يا ترى هيتعرض لخطر بسبب مقالاته؟ تابعوا المسلسل يوميًا علي قناة إم بي سي مصر.
“عفاريت عدلي علام”
بطولة: هالة صدقي، كمال أبو رية، لطفي لبيب، بيومي فؤاد.
تأليف: يوسف معاطي.
إخراج: رامي إمام.
أحمد السقا
يعتبر أحمد السقا ثاني أعلي الممثلين أجرًا في رمضان السنة دي، وحصل على 40 مليون جنيه عن دوره في مسلسل”الحصان الأسود” واللي هيتعرض علي قناة إم بي سي مصر.
كان اسم المسلسل في بداية تصويره “عكس عقارب الساعة”، لكن الاسم اتغير وأصبح “الحصان الأسود” وهو مسلسل تشويقي ومليان مغامرات.
“الحصان الأسود”
بطولة: أحمد السقا، ياسمين صبري، شيري عادل، أحمد بدير.
تأليف: محمد سليمان عبد المالك.
إنتاج: صادق الصباح.
إخراج: أحمد خالد موسى.
كريم عبد العزيز
حصل الفنان كريم عبد العزيز علي 38 مليون جنيه مصري عن دوره في مسلسل “الزيبق”، المسلسل قصة حقيقة مأخوذة من ملفات المخابرات العامة المصرية وحصلت أحداثها في عام 1998.
“الزيبق”
بطولة :كريم عبد العزيز، شريف منير، ريهام عبد الغفور.
سيناريو و حوار: وليد يوسف.
إخراج و إنتاج: وائل عبد الله.
هيفاء وهبي
حصلت الفنانة هيفاء وهبي علي مبلغ 2 مليون دولار عن دورها في مسلسل “الحرباية”، واللي بتقوم فيه بدور فتاة اسمها “عسلية” بتعيش مع أختها اللي بتجبرها علي العمل كخادمة. مسلسل “الحرباية” هيتم عرضه علي قناة النهار.
مسلسل الحرباية
بطولة: هيفاء وهبي، خالد كمال، رحاب الجمل.
تأليف و سيناريو و حوار: أكرم مصطفي.
إخراج: مريم أحمدي.
غادة عبد الرازق
أما الفنانة غادة عبد الرازق فحصلت علي 30 مليون جنيه عن دورها في مسلسل “أرض جو” واللي بتقوم فيه بدور مضيفة طيران بتقع في مشاكل كثيرة، وبتقرر خطف طيارة علشان تنتقم! والمسلسل هيتعرض علي مجموعة قنوات .ON E
“أرض جو”
بطولة: غادة عبدالرازق، أحمد العوضي، محمد كريم.
ﺗﺄﻟﻴﻒ :محمد عبدالمعطي.
ﺇﺧﺮاﺝ: محمد جمعة.
محمد فؤاد
حصل الفنان محمد فؤاد على مبلغ 30 مليون جنيه مصري عن دوره في مسلسل “الضاهر” واللي بيقوم فيه بدور ظابط صالح بيعيش في الضاهر وبيتعرض للعديد من المواقف الصعبة ومنها وقوعه في حب فتاة يهودية.
“الضاهر”
بطولة: محمد فؤاد، حسن يوسف، رغدة، تامر عبد المنعم، مادلين طبر.
تأليف: محمد عبد المنعم.
إخراج: ياسر زايد.
يوسف الشريف
حصل الفنان يوسف الشريف علي مبلغ 25 مليون جنيه مصري عن دوره في مسلسل “كفر دلهاب” وهو مسلسل رعب بيحكي عن قرية مسحورة من العصور القديمة بيقوم سُكانها بأعمال سحر وشعوذة. المسلسل هيتعرض علي مجموعة قنوات ON E.
كفر دلهاب
بطولة: يوسف الشريف، روجينا، رحاب عرفة.
فكرة: يوسف الشريف.
تأليف: عمرو سمير عاطف بالأشتراك مع يوسف الشريف.
إخراج: أحمد نادر جلال.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
