The Definitive Guide to Living in the Capital , Cairo , Egypt

تليفزيون
البرنامج (الموسم 2)

برنامج “البرنامج”: ما حصلش قبل كده

  • توك شوكوميدي
  • من الآن
  • محمد خليفةمحمد خليفة
تم التقييم بواسطة
Samah Nageh
قيم
قيم الآن
برنامج “البرنامج”: ما حصلش قبل كده
“البرنامج” برنامج أسبوعى سياسى ساخر يقدمه باسم يوسف كل يوم جمعة الساعة 11 مساءً و بـ يصوره يوم الأربعاء، وده الموسم الثاني له بدأ فى أواخر عام 2012. بـ يقام في مسرح راديو في وسط البلد اللى أخذته قناة cbc وبنيت فيه ديكورات خاصة بالبرنامج شيك جدًا وبسيطة عبارة عن مكتب على المسرح وله أدراج باسم بـ يخبى فيها حاجات بـ يستعين بها فى تعليقاته، ده غير منطقة أعلى المسرح زي دور ثاني بـ يؤدي فيه الفنانين عروض فى الفقرة الأخيرة.
وعن فقرات البرنامج هي مقسمة لكذا فقرة الجزء الكبير منها بـ ينتقد باسم فيها أحداث بـ تحصل فى البلد أو شخصيات عامة، وفى النهاية فيه فقرة بـ يستضيف فيها ضيف أو فرقة بـ يضفوا جو فنى أو ثقافى زى ما استضاف الفنان أحمد السقا والكاتب عمر طاهر والفنان عمرو واكد والإعلامى يوسف الحسيني وفرقة كايروكي وبركشن شو.
فى البرنامج مع باسم يوسف هـ تشوفوا شكل جديد من النقد السياسى وهو الشكل الساخر اللى بـ يخفف عن الناس صدمة الواقع. ومن أهم حلقات “البرنامج” اللى انتقدت مشايخ السلفيين اللى بدأوا فى الأيام الأخيرة يكفروا كثير من الناس.
فمثلاً فى حلقته اللى تكلم فيها عن مشروع النهضة بعنوان “النهضة لاتزال فى..” وقال ساخرًا: “إزاى يا جماعة الإخوان كلهم يبنوا حملتهم على مشروع محدد ونهائى وبما أنه مافيش مشروع محدد ونهائى يبقى الإعلام هو اللى فهمكم غلط”. وأكد باسم أننا هـ نقيم مزارع ومصانع ونعيد الأمن ولكن على الفيسبوك قال: “كلنا هـ نعيش ونلعب فى النهضة زى المزرعة السعيدة، النهضة موجودة وهـ تفضل موجودة”.
ولو تابعتم البرنامج هـ تلاحظوا أن أجمل حاجة فيه أن باسم مش بـ يعمل حاجة غير أنه بـ يجيب الواقع أمامنا وهو بس بـ يقدمه بشكل ساخر ودائمًا لما بـ يتكلم عن حد بـ يجيب فيديو للشخص اللى بـ يتكلم عنه ويبدأ يعلق عليه وينتقده وده طبعًا مهم جدًا لأن الناس محتاجة أنها تكون متأكدة من مصداقية مقدم البرنامج خصوصًا فى ظل موجة الأخبار غير المؤكدة و الأقاويل المغلوطة.

من أجمل الحلقات كمان اللى تكلم فيها عن المشايخ وإزاى هما بـ يناقدوا أنفسهم وبـ يسيئوا للإسلام بشكل كبير، وعرض فيديو للشيخ عبد الله بدر وهو بـ يتلفظ بألفاظ غير لائقة داخل المسجد وبـ يعرض فيديو آخر لشيخ ثانى بـ يقول إحنا بـ ندعو الناس لله بالحسنى والموعظة الحسنة وبشكل ساخر علق وقال: “المعادلة بسيطة جدًا، إذا أنتم لا تعتبرونا مسلمين فأنتم بالنسبة لنا لا مشايخ ولا علماء”.
وفى أول حلقة فى 2013 قدم باسم يوسف تلخيص لسنة 2012 فى أقل من دقيقتين، وده كان من أقوى الحاجات اللى قدمها، البرنامج بـ يحظى بنسبة مشاهدة عالية، وده واضح فى الإعلانات اللى زادت بعد الحلقة الأولى حتى باسم علق عليها بسخرية فى الحلقة الأخيرة.
وأجمل حاجة كمان فى “البرنامج” أنك ممكن تحضر الحلقة لأنها بـ تتصور يوم الأربعاء على مسرح راديو فى وسط البلد وطبعًا فيه ناس كثير هـ تحب تشوف الحلقة Live فممكن بسهولة تحجزوا تذاكر البرنامج من على الموقع الرسمى.

ومن الفريق اللى بـ يعاون باسم هو “شادى” و”خالد منصور” اللى بـ يكون لهم أدوار مهمة جدًا على المسرح هـ نسيبكم تعرفوها لما تتابعوا البرنامج، وكمان محمد خليفة المخرج له دور مهم جدًا هـ نلاحظه فى شكل الإضاءة وشكل عرض الفيديوهات والجرافيك اللى بـ يعلق عليه باسم.

عجبك ؟ جرب

برنامج "عزب شو" على نايل كوميدى.

نصيحة 360

برنامج "البرنامج" يعرض كل يوم جمعة على قناة CBC الساعة 11 مساءً مُسجل ويوم الأربعاء لايف على مسرح راديو بوسط البلد، البرنامج من إخراج محمد خليفة ومن إنتاج قناة CBC.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح