The Definitive Guide to Living in the Capital , Cairo , Egypt

تليفزيون
خواطر 11

خواطر 11: فقه الذكاء الإعلامي للبرنامج الأشهر في رمضان

  • أحمد الشقيري
  • اجتماعى
  • من الآن
تم التقييم بواسطة
Mohamed Hamdy
قيم
قيم الآن
خواطر 11: فقه الذكاء الإعلامي للبرنامج الأشهر في رمضان

الأذكياء فقط هم اللى عارفين كويس أن أفضل وقت للاعتزال أو إيقاف سلسلة معينة يكون في قمة نجاحها.. محرر كايرو 360 فاكر كويس جلسة شخصية جمعته بالكاتب الشهير أحمد خالد توفيق قبل إيقافه سلسلة ما وراء الطبيعة اللى كان بـ يكتبها لسنوات وسنوات.. الدكتور أحمد قال له يومها أنه قرر يتوقف عن كتابة السلسلة بإرادته قبل ما يطالبه القراء نفسهم بالتوقف عن الكتابة!

ويبدو أن ده نفس القرار اللى أخده أحمد الشقيري بإيقاف برنامجه "خواطر" بعد الموسم الحالى رقم 11، البرنامج بـ يبدأ بتتر متميز مقتبس فيه آيات قرآنية مرسومة ومكتوبة بفونطات جميلة، مع موسيقى حماسية محفزة.. التتر بـ يناقش فكرة إزاي خلق الله الأرض ممهدة للناس علشان يستفيدوا منها، لكنهم بغبائهم وجهلهم نشروا فيها الفساد في البر والبحر.. بالإضافة لأفكار كثير ثانية.

الحلقة الأولى في البرنامج خصصها الشقيري للكلام عن باقي الحلقات اللى هـ يستعرضها على مدار الشهر الكريم، ما بين مناقشة أفكار اقتصادية واجتماعية وتنموية وتغطيات لمسابقات تحفيز للمخترعين العرب، وسفر لبلاد أوربية وعربية كثير، وطبعًا لاحظنا أن مصر بـ تحصد الاهتمام والتغطية الأكبر من وقت واهتمام البرنامج، بداية من الحلقة الثانية بدأ الشقيري في الدخول مباشرة لصلب موضوعات حلقاته زي الحرية المالية، وقضايا اللاجئين وتكتيكات زوجية ومشاكل المرور، وبـ يظهر استخدام مكثف للمونتاج القوي والمؤثر في البرنامج، بحيث يقدم الشقيري في كل حلقة "كبسولة خواطر" مضغوطة ومكثفة ومفيدة.

الجهود الشخصية لمقدم البرنامج طاغية على العمل بشكل كبير، لكن كمان الجهود الإنتاجية اللى بـ تخليه يقدر يسافر تقريبًا لكل أنحاء العالم ويقدر يأخذ خطوات إيجابية في البلدان العربية النامية كلها أمور تدل على أن البرنامج بـ يتم دعمه ماليًا بشكل قوي ومتميز.

الموسيقى التصويرية الهادئة اللى بـ تصاحب الخواطر، والمختلفة عن الموسيقى الأكثر جرأة لتترات البداية، بـ تدخلنا في موود البرنامج بشكل سلس ومتميز، كمان خفة ظل الشقيري وقدرته على انتزاع الضحكات من المواقف الصعبة اللى ممكن تقابله دون ابتذال أو استظراف بـ تؤثر إيجابيًا في المشاهد، الأمر اللى دفع بعض المشاهدين لحصر الفروق بين الشقيري وبين رامز جلال، وطبعًا مش محتاجين نقول كفة المقارنة كانت لصالح مين!

"خواطر" برنامج متميز هـ نزعل على توقفه بعد الموسم 11، لكن كلنا عارفين أن أكيد قريحة أحمد الشقيري هـ تخرج علينا ببرنامج أقوى، من مقدم البرامج اللى تم اختياره كواحد من أكثر الشخصيات تأثيرًا في الوطن العربي، واللى بـ يقول على نفسه: "لست عالمًا ولا مفتيًا ولا فقيهًا، وإنما طالب علم!"

عجبك ؟ جرب

باقي المواسم السابقة من البرنامج.

نصيحة 360

أحمد الشقيري مقدم برامج سعودي من مواليد يوليو 1973 حقق نجاح كبير مع تقديمه لسلسلة خواطر اللى امتدت على مدار 11 موسم، البرنامج بـ يعرض على mbc الساعة 5:30 صباحًا والإعادة 5:15 مساءً، كمان ممكن تشوفوه على Channel البرنامج على يوتيوب.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح