The Definitive Guide to Living in the Capital , Cairo , Egypt

تليفزيون

صد رد: مسلسل كوميدي بطولة نجوم مسرح مصر

صد رد: مسلسل كوميدي بطولة نجوم مسرح مصر
بواسطة
Rasha Zeidan

"صد رد" مسلسل كوميدي بطولة علي ربيع، ونجوم مسرح مصر، ومن إخراج هشام فتحي، وهنشوفه على قناة MBC  مصر.

 

على ربيع الاسم السحري اللي اشتهر فجأة هو وكل أبطال ونجوم مسرح مصر، واللي عملوا حالة من الضحك ماحصلتش بقى لها مدة طويلة، واللي كمان رجعوا الناس تتفرج على المسرح من تاني، ويستنوه كمان، بعد ما كانت المسرحيات بتتعمل وفين وفين على ما تتفرج عليها، قدر أشرف عبد الباقي بمجموعة كبيرة من الشباب، أنه يعمل جو جميل من الضحك، أشرف مش موجود في المسلسل، لكن روحه اللي عملت منهم أبطال موجودة والشكر واجب له.

 

لكن يا ترى إيه اللي هيخليك تتفرج عليه في رمضان لو بصينا على نجاح البرامج والمسلسلات في السنين اللي فاتوا، هنلاقي أكتر برامج ومسلسلات نجحت هي اللي لها علاقة بالضحك.. وبالذات لما تبقى مع شخصية قدرت تسحب البسمة من وش المصريين وتخليهم يحبوا الشخصية، علي ربيع ومعاه باقي النجوم نجمهم اشتهر وطلع قوي الفترة اللي فاتت، ولأنه مش بيقلد حد بالعكس عمل لنفسه شخصية مستقلة حببت الناس فيه، وبنتوقع يكون من أكتر المسلسلات مشاهدة.

مقترح