The Definitive Guide to Living in the Capital , Cairo , Egypt

تليفزيون
على قد الإيد

على قد الأيد: حارة كل واشكر على قناة cbc سفرة

  • طبخ
  • من الآن
  • سامر الجمل
تم التقييم بواسطة
Ahmed Abd El Gawad
قيم
قيم الآن
على قد الأيد: حارة كل واشكر على قناة cbc سفرة

فاكرين أفلام شكوكو بتاعة زمان وإسماعيل ياسين لما كانوا يطلعوا ساكنين فى حارة من جوه حارة من جوه حارة وفى الغالب بـ يبقى اسمها واخد طابع "حارة كل واشكر" وفيها الناس كلهم طيبين والجو الشعبي الجميل ده عامل شكل مختلف يخليك تقعد تتفرج على الفيلم للآخر.. نفس الشكل ده عامل طابع مختلف لبرنامج «على قد الإيد» المتخصص فى الطبخ لكنه مش عادي لأنه أولًا مش معتمد على التكنولوجيا العالية ولا الإكسسوار الرهيب ولا حتى الديكور المبالغ فيه.

الموضوع أبسط من كده خالص، ديكور البرنامج مطبخ فى بيت أسرة تقدر تقول عليها "متوسطة الحال" الثلاجة عادية خالص، والبوتاجاز نفس الموضوع شكله بسيط وعادى جدًا.. بصوا من الآخر كده هو مطبخ عادي جدًا زى أى مطبخ فى بيت أى حد.. وده عامل مهم جدًا لأنه مرتبط بفكرة البرنامج اللى بـ تعتمد على عمل أكلات بسيطة جدًا وغير مكلفة.. وكمان الديكور بـ يخليك تصدق البرنامج.. لأنه ما ينفعش تعمل ديكور غالي جدًا والبرنامج بـ يتكلم عن الأكلات اللى على قد الإيد.

نجلاء مقدمة البرنامج شخصية بسيطة وهادئة وبـ تعمل بالفعل أكلات بسيطة وغير مكلفة زى الحواوشى والكشرى بطرق مبتكرة لكنها غير مكلفة.. وشرحها مبسط جدًا وفكرتها أنها بـ تعلم البنات المتزوجين حديثًا يعنى "سنة أولى جواز".

نجلاء لها أسلوبها الخاص اللى بـ يميزها كثير عن غيرها هـ تشوفوا فيها الأخت والصديقة اللى قلبها عليكم وده هـ يبان جدًا فى الوصايا اللى بـ تقولها فى وسط البرنامج، فتوصي البنات إزاى يتعاملوا مع حماتهم ومع أزواجهم.. تعطي نصائح عن مفعول الهدايا السحري واللى لازم نجربه حتى لو كانت الهدية بسيطة أو أكلة حلوة.. وعلشان يكمل الجو بتاع البرنامج نجلاء مختارة خلفية موسيقية للبرنامج طول ما بـ تتكلم هـ تسمعوا موسيقى أغنية "كل ده كان ليه".

ومن أجمل الحاجات فى البرنامج أن الشيف نجلاء بـ تعمل أكلها بالبركة.. يعني مش بـ تشتغل بمقادير محددة بل بالبركة ودى حاجة صعبة جدًا، حاجة كده زى السهل الممتنع وبـ يبين أن عندها خبرة فى المطبخ كبيرة جدًا.. وطبعًا لازم نقول عن توقيت العرض مناسب جدًا سواء لربات البيوت أو السيدات اللي بـ يشتغلوا لأنهم هـ يكونوا رجعوا من شغلهم.

أخيرًا هـ نقول لكم نصيحة نجلاء البديعة واللى بـ تقول: "أى أكل من بره ممكن يتعمل فى البيت.. وأكيد هـ يكون أحلى علشان بـ تعمليه بحب".

عجبك ؟ جرب

لقمة هنية.. من تقديم الشيف علاء الشربيني على قناة النهار.

نصيحة 360

يعرض البرنامج من الأحد إلى الخميس الساعة 12 ظهرًا والإعادة الساعة 8 مساءً على قناة cbc سفرة وهو من إخراج سامر الجمل.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح