مايفوتكش: اعرف مواعيد عرض مسلسل ليلة على dmc
Cairo 360
يوم الاثنين اللي فات بدأت قناة dmc عرض مسلسل “ليلة”، حصريًا على شاشتها. اللي بيقوم ببطولته الفنانة رانيا يوسف، والفنان مكسيم خليل. المسلسل بيتعرض من الأحد للخميس على dmc العامة، وdmc دراما. ودي مواعيد عرضه:
dmc العامة
العرض الأول: 7:00 مساءً
الإعادة الأولى: 02.00 صباحًا
الإعادة الثانية: 11.00 صباحًا
dmc دراما
العرض الأول: 10.00 مساءً
الإعادة الأولى: 06.00 صباحًا
الإعادة الثانية: 02.00 ظهرًا
بتدور أحداث المسلسل في إطار رومانسي اجتماعي. عن حكايات شخصيات مختلفة من الطبقة الوسطى، عايشين صراع مع الحياة علشان يحققوا أحلامهم. بنشوف خلال الأحداث، اللي بيسعوا لتحقيق أحلامهم، وبيكتشفوا إنها كانت قريبة منهم وماشافوهاش. وبنشوف اللي بيضيع فرص كتيرة في حياته، وفي النهاية مش بيوصل لحاجة. وكمان بيناقش المسلسل قصة صراع الإنسان مع الصعود. هل ممكن يعمل أي حاجة علشان يوصل؟ ولا يفضل متمسك بقيمه ومبادئه من غير ما يخسر نفسه؟
المسلسل بطولة: رانيا يوسف – مكسيم خليل – أحمد سلامة – رمزي لينر – هيدي كرم – سهر الصايغ – أمل رزق – محمود البزاوي – حمزة العيلي – أحمد صيام – نور قدري.
قصة وسيناريو وحوار: هاني كمال. وإخراج محمد بكير.
إنتاج شركة سكوير ميديا للإنتاج الفني والإعلامي (المنتجة منى قطب والمنتج إبراهيم حمودة).
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
