The Definitive Guide to Living in the Capital , Cairo , Egypt

تليفزيون
نجم الكوميديا

نجم الكوميديا: برنامج ساخر.. اضحك بقى

  • كوميدي
  • من الآن
  • باسم كريستو
تم التقييم بواسطة
Rasha Zeidan
قيم
قيم الآن
نجم الكوميديا: برنامج ساخر.. اضحك بقى

أيوه بقى عايزين نضحك شوية، معانا برنامج كل هدفه إننا نضحك، وبيدور على نجوم الضحك في كل مكان، مش فى مصر بس لكن فى الوطن العربي كله، يلا خلي السهرة تحلى..

لجنة التحكيم بتتكون من نجم الكوميديا محمد هنيدي، والجميلة سيرين عبد النور، والقدير حسن حسني، بس معلش فيه سؤال.. إيه علاقة سيرين عبد النور بالكوميديا؟ فين هالة فاخر وياسمين عبد العزيز ولطفي لبيب؟ إحنا شايفين أن الاختيارات دي كانت هتبقى أفضل.

كمان موضوع أنك تعمل برنامج مابقاش قايم على فكرة حلوة وبس، إحنا في زمن الكل بيتسابق علشان يجذب المشاهد.. وذوق المشاهد اتغير ونظرته للحاجات اللي تشد اتغيرت، يعني دلوقتي بقى المشاهد بيهتم بشكل الاستوديو والإضاءة والإخراج والإنتاج، وطبعًا كلنا واخدين بالنا أن البرنامج وطريقة عرضه متاخدة قص ولزق من برنامجthe voice  مع الاختلاف إن ده برنامج بيدور على الموهبة في الكوميديا اللي بنحاول نشوفها معاهم يعني.. طب ليه بنقول كده، بصراحة لحد دلوقتي ماشوفناش الموهبة اللي تموتنا من الضحك.. زي كتير مثلًا ما بنشوف مواهب على اليوتيوب بتضحك أكتر، وده مش معناه أن الناس وحشة، بالعكس فيه مواهب هايلة وحلوة جدًا.. وفيه مواهب كانت تستاهل من وجهة نظرنا تكمل لكنها خرجت.

اختيار المتسابقين بيكون على أساس واحد.. وهو التصويت يعني لو أخد المتسابق وش بيضحك يعدي، لو خد وش حزين يبقى فيه قلق وهيبقى في منطقة الخطر، لازم ياخد من التلات محكمين وش بيضحك عشان يكمل في البرنامج وينتقل للمرحلة اللي بعدها.

المفروض أن بعد التصفيات النهائية هيتبقى 4 مشتركين، والفائز هيقدم برنامج كوميدي على قناة الحياة.

طبعًا أول حلقة اتعرض فيها تقرير عن المحكمين وليه تم إختيارهم وإيه اللي بيميزهم عن غيرهم ومشوارهم الفني، المشكلة الكبيرة عندنا هي اختيار لجنة التحكيم يعني المسابقة قائمة على إيه؟ قائمة على اللي يقدر يضحك اللجنة، وده المعيار للحكم، وبصراحة كدة صعب قوي تبقى مسابقة، كان المفروض يكون فيه حد مسرحي مخرج مثلًا، علشان يقيم الآداء المسرحي وكاتب مثلًا كوميدي يتكلم عن السكريبت مع نجم كوميدي، كان هيبقى الأمر منطقي أكتر.

مش عايزين نطول عليكم.. البرنامج حلو وبيضحك، وكان فيه مشكلة أن شركة تانية قالت إن دي فكرتها أصلًا ورفعت قضية على القناة، لكن القناة ردت وقالت أن مافيش أي تشابه بين فكرة الشركة اللي رفعت القضية وبين نجم الكوميديا.

عجبك ؟ جرب

برنامج "البلاتوه" على قناة النهار.

نصيحة 360

برنامج نجم الكوميديا من تقديم كارلا حداد، وإخراج باسم كريستو، يذاع كل جمعة الساعة 9 م على قناة الحياة الحمراء.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح