أفضل طعام تبدأ به إفطارك في رمضان.. 5 فوائد صحية مدهشة للتمر
أطعمة صحية في رمضان أهمية البلح رمضان 2021 فوائد التمر فوائد التمر في رمضانCairo 360
على عكس أطعمة كتير، بيعتبر التمر واحد من أفضل الفواكه اللي المفروض نبدأ بيها كلنا إفطار رمضان قبل أي حاجة تانية.. تعالوا نتعرف مع بعض على 5 فوائد مدهشة للتمر.
1- كنز للصحة
بيحتوي التمر على كتير من الفيتامينات والمعادن، بالإضافة إلى مضادات الأكسدة، ده غير إنه غني بالألياف، وده ممكن يكون مفيد بدرجة كبيرة في منع الإمساك، وكمان في التحكم في نسبة السكر في الدم.
2 – سلاح ضد الأمراض
بيحتوي التمر على كتير من مضادات الأكسدة اللي ممكن تساعد بدرجة كبيرة في منع تطور بعض الأمراض المزمنة، زي أمراض القلب والسرطان ومرض الزهايمر والسكري، وكمان ممكن يكون مفيد في تقليل الالتهاب.
3- بديل صحي للسكر
بيعتبر التمر أفضل بديل صحي للسكر الأبيض، بسبب طعمه الحلو ولتواجد المغذيات والألياف ومضادات الأكسدة فيه بدرجة كبيرة.
4 – علاج للعظام
بيحتوي التمر على كتير من المعادن، زي الفوسفور والبوتاسيوم والكالسيوم والمغنيسيوم، وده بيساعد في منع الحالات المرضية المتعلقة بالعظام ومنها هشاشة العظام.
5- مفيد لمرضى السكري
التمر عنده القدرة على المساعدة في تنظيم نسبة السكر في الدم بسبب احتوائه على الألياف ومضادات الأكسدة، وبالتالي، تناوله ممكن يفيد بدرجة كبيرة في إدارة مرض السكري 2.