الصيف بدأ رسميًا.. نصائح مهمة لحياة صحية في أيام الحر
الوقاية من أمراض الصيف حماية الجلد في الصيف فصل الصيف نصائح لحياة صحية نصائح للصيف
Mohamed Talaat
النهارده الاثنين، هو أول يوم في فصل الصيف، وده معناه إمكانية ارتفاع درجات الحرارة الفترة دي، وده ممكن يعرضنا للإصابة ببعض أمراض الصيف زي ضربة شمس وحروق الجلد والجفاف، في السطور الجاية هنعرفكم على مجموعة نصائح مهمة هتحميكم من كل أمراض الصيف.
اتباع نظام غذائي صحي
حافظ على نظامك الغذائي السليم، واهتم بتناول الفواكه والخضروات الموسمية بانتظام، وخد بالك: تناول الأطعمة المفيدة زي الفواكه الطازجة، والعصائر، والخضروات، والسلطات، وشرب مياه كتير، هيفيد جسمك وهيبعد عنه الأمراض.
رطب جلدك باستمرار
مهم جدًا ترطيب الجلد بشكل صحيح في الصيف لمحاربة جفاف الجلد، وده عن طريق استخدام كريم مرطب، ومهم غسل الوش والجلد بشكل صحيح في الصيف لحمايته من ضربة الشمس والغبار.
اهتم بشرب السوائل
للحصول على رطوبة جيدة، مهم تتناول مشروبات مفيدة على مدار اليوم في الصيف، حتى قبل ما تحس بالعطش، ومن المشروبات المهمة: الماء العادي، ماء جوز الهند، ماء مع شرائح الليمون والخيار، شاي مثلج منزوع الكافيين، أعشاب الشاي.
وعلشان جسمك يفضل رطب دائمًا، اشرب كميات كتيرة من الماء ،على الأقل من كوبايتين لأربع كوبايات بعد ما تصحى من النوم، وحافظ على العادة دي طول اليوم، وزود كمية المياه في الحر أو في أوقات التمارين.
تناول المكملات الغذائية
المكملات الغذائية المناسبة والطبية مهمة جدًا في الصيف، وبتزيد من أنشطتك الصيفية، مثلًا بتساعد فيتامينات ب المركب على استرخاء الجهاز العصبي ومفيدة جدًا لإنتاج الطاقة الخلوية، كمان مضادات الأكسدة بتحمي جسمك من الإجهاد والملوثات الكيميائية.
ارتداء الملابس القطنية
الملابس القطنية الخفيفة ضرورية جدًا في فصل الصيف للحفاظ على صحة الجسم، وبتعتبر الأقمشة القابلة للتنفس زي القطن والكتان ملاءمة جدًا للجسم خلال فصل الصيف.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
